Tveir af bestu glímu­mönnum heims miðla reynslu sinni í Mjölni

Jones og Giles eru meðal bestu glímu­manna heims í dag í BJJ senunni. Þeir hafa báðir unnið til verð­launa á stærstu glímu­mótum heims á borð við ADCC, I­BJJF World Champions­hips, Polaris, EBI, NAGA World Champions­hip, Kasai og UAEJJF Abu Dhabi Pro.

Og aðdráttarafl þeirra er mikið. Hátt í 70 er­lendir gestir koma sér­stak­lega hingað til lands fyrir æfinga­búðirnar en Jones og Giles eru hátt skrifaðir þjálfarar og mikil eftir­spurn eftir þjálfun frá þeim. 

Jones er meðal annars aðal BJJ þjálfari Alexander Volka­novski, fjaður­vigtar­meistara UFC sem hefur farið með himinskautum hjá bardagasambandsins og er sem stendur í 2.sæti á lista yfir pund fyrir pund bestu bardagamenn sambandsins. 

Þá stendur Jones einnig í ströngu á sínum bardagaferli en hann á fyrir höndum glímu við fyrrum UFC harðhausinn Luke Rockhold þann 21.september næstkomandi en glíma þeirra mun fara fram á Pais leikvanginum í Jerúsalem. 

Jones var lengi vel hluti af liði John Dana­her en stofnaði sitt eigið lið í Texas, The B-Team, árið 2021. Giles er með sitt eigið lið í Ástralíu, Ab­solute MMA.