Tónlist

Tekur alltaf stresspissið rétt áður en hann stígur á svið

Dóra Júlía Agnarsdóttir skrifar
Emmsjé Gauti situr á toppi Íslenska listans á FM fjórðu vikuna í röð.
Emmsjé Gauti situr á toppi Íslenska listans á FM fjórðu vikuna í röð. Vísir/Vilhelm

Tónlistarmaðurinn Emmsjé Gauti trónir staðfastur á toppi Íslenska listans á FM957 fjórðu vikuna í röð með lagið Þúsund hjörtu. Blaðamaður tók púlsinn á honum og fékk að heyra hvernig hann er stemmdur tæpri viku fyrir stóru stundina.

„Ég er ótrúlega spenntur að fara og við erum að fara með mjög gott teymi. Þetta verða ég og hljóðfæraleikarar en síðan er ég líka að taka alla fjölskylduna með, því ég hugsaði að ég væri alveg til í að leyfa þeim líka að upplifa þetta, að koma með mér, sjá frumflutninginn og sjá stemninguna.“

Í spilaranum hér að neðan má sjá tónlistarmyndbandið við lagið Þúsund hjörtu:

Emmsjé Gauti hefur ekki enn fengið að flytja lagið á sviði og verður það því frumflutt í Herjólfsdalnum.

„Ég hlakka mikið til að taka lagið loksins. Það er alveg smá galið að eiga hittara og vera aldrei búinn að flytja hann. En það er líka einhver sjarmi við það að frumflytja það á föstudagskvöldinu. Það verður eitthvað móment.“

Hann segir að undirbúningur fyrir sviðið feli alltaf í sér óhjákvæmilegan sjálfsefa og létt kvíðakast.

„Það er alltaf stresspissið eins og ég kalla það, svona fimm til tíu mínútum áður en ég kem fram. Svo þegar ég er kominn upp á svið þá finn ég fyrir orkunni frá crowdinu og þá verður allt allt í lagi. Ég bara get ekki beðið eftir því að flytja lagið og Þjóðhátíðar settið mitt í heild sinni.“

Íslenski listinn er fluttur alla laugardaga á milli klukkan 14:00 og 16:00 á FM957.

Lög Íslenska listans:

Íslenski listinn á Spotify:

Íslenski listinn Tónlist FM957 Þjóðhátíð í Eyjum

Tengdar fréttir

Íslensku lögin taka yfir topp tíu

Emmsjé Gauti situr staðfastur í fyrsta sæti Íslenska listans á FM með Þjóðhátíðarlagið Þúsund hjörtu. Íslenski listinn var fluttur á FM957 fyrr í dag og eiga efstu fimm lög listans í þessari viku það sameiginlegt að vera öll íslensk.

Fer óhrædd inn í framtíðina

„Einhverjir hafa spurt mig hvort lagið fjalli um að vera foreldri og ég held að það sé að einhverju leyti rétt. Ég fékk allavega innblástur úr móðurhlutverkinu,“ segir tónlistarkonan Guðrún Ýr Eyfjörð, jafnan þekkt sem GDRN. Hún var að senda frá sér lagið Parísarhjól en lagið kom nýtt inn á Íslenska listann á FM í dag.

Öðlaðist von um að geta sigrað stríðið gegn ofsa­kvíðanum

„Lífinu sem ég hafði þekkt var kippt undan mér og ég þurfti að læra upp á nýtt að lifa með miklum kvíða og vanlíðan, sem var ákveðið áfall fyrir mig,“ segir tónlistarkonan Katrín Myrra. Hún sendi nýverið frá sér smáskífuna Skuggar og er þar að finna lagið Ljósið, sem var kynnt inn í fasta liðnum Íslenskt og áhugavert á Íslenska listanum á FM957 í dag. Blaðamaður ræddi við Katrínu um tengslin á milli tónlistarinnar hennar og tilverunnar.

Má ekki flytja lagið sitt og biður aðra um að gera það

Emmsjé Gauti segir viðtökurnar við þjóðhátíðarlaginu í ár hafa verið góðar. Það hafi þó ekki alltaf verið markmið að semja þjóðhátíðarlagið. Hann er spenntur fyrir því að frumflytja það í brekkunni í Vestmannaeyjum en ætlar þangað til að hlusta á annað fólk flytja lagið.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.