Kvöldfréttir Stöðvar 2

Sá sem var myrtur í Fjarðarkaupsmálinu er sagður hafa verið ítrekað stunginn þar sem hann lá varnarlaus eftir árás þriggja pilta. Við fjöllum um ákæruna í fréttatímanum.

Nikótínpúðar gera starfsmönnum líkamsræktarstöðva lífið leitt. Við ræðum við einn þeirra sem segir gesti skilja púðana ítrekað eftir á upphitunartækjum.

Þá fjöllum við um listasýningu sem fjallar um innri ró þrátt fyrir yfirþyrmandi erfiðleika vegna innrásar Rússa í Úkraínu og hittum hóp stráka frá Malaví sem ólust margir hverjir upp án rafmagns og rennandi vatns og ætla sér að sigra Rey Cup mótið sem fram fer í Laugardalnum í næstu viku.

Þetta og fleira í kvöldfréttum Stöðvar 2 klukkan 18:30.