Velur fæðinguna fram yfir hjól­reiðarnar

„Þetta er auðveld ákvörðun. Ég hugsaði alltaf að ég myndi fara heim þegar eiginkonan mín gæfi í skyn að hún þyrfti á mér að halda,“ segir Wout í myndbandi þar sem hann tilkynnir að hann ætli að halda heim á leið. Barnið sé á leiðinni og því þurfi hann að vera til staðar.

Wout segir liðsfélaga sína styðja þessa ákvörðun. Hann er sannfærður um að þeir eigi eftir að standa sig vel á lokasprettinum en Jonas Vingegaard, danskur liðsfélagi hans, leiðir keppnina og er með um sjö mínútur í forskot. 

„Ég mun líta til baka á þessa keppni á jákvæðum nótum en ég mun alltaf muna eftir henni sem keppninni þar sem ég hringdi heim á hverjum degi,“ segir Wout.