San Antonio munu fara sér að engu óðs­lega með Wembanyama og mínúturnar hans í vetur

Það er vel þekkt staðreynd að það tekur nýliða í NBA deildinni oft tímabil eða tvö að venjast álaginu í deildinni og Spurs vita að þeir eru með langtímafjárfestingu í höndunum með Wembanyama. Þeir munu því einbeita sér að því að styrkja hann líkamlega í vetur og láta hann hvíla reglulega.

Síðasta tímabil var Paolo Banchero valinn fyrstur í nýliðavalinu og lék tæpar 33 mínútur í 72 leikjum. Wembanyama verður væntanlega töluvert frá þessum tölum en þó reikna sérfræðingarnir með að hann sé líklegastur til að verða valinn nýliði ársins. Sá titill sé þó ekki í neinum forgangi hjá stjórnendum liðsins.

Ónafngreindur heimildarmaður greindi frá þessu í viðtali við Fox, en herbúðir San Antonio Spurs eru þekktar sem „Járnhvelfingin" innan NBA þar sem lítið sem ekkert slúður lekur þaðan alla jafna. 

Þessi sami heimildarmaður sagði jafnframt að Wembanyama væri leikmaður sem gæti verið stjarna í deildinni í 15-20 ár. Það væri því fáránlegt að rústa honum á fyrsta eða öðru tímabili. Vítin til að varast væru til staðar í Zion Williamson og Ja Morant.