Frábær veiði í Hítarvatni

Í þessum frábæru sumarhitum sem hafa leikið við íbúa á vesturlandi verða skilyrðin við ákveðna veiðistaði í Hítarvatni eins og best verður á kosið. Það er í raun þeim mun hlýrra sem það er búið að vera því betra, alveg öfugt við laxveiðina. Í vatnið renna tvær litlar ár (lækir) og eins kemur vatn undan hrauninu austan meginn. Þegar vatnið hlýnar mikið þá leitar silungurinn í ósa ánna og upp að hraunina þar sem köldu uppspretturnar eru og getur magnið af silung verið alveg lygilegt.

Stærðin er mest 1-2 pund en inná milli eru vænni fiskar en silungurinn úr vatninu er mjög bragðgóður og vel haldinn. Það má veiða á flugu, maðk og spún og fyrir ykkur sem teljið ekki af ykkur að taka smá labb til að komast í frábæra veiði þá er þetta klárlega málið þessa vikuna áður en það byrjar að kólna aftur. Veiðimenn sem voru við vatnið um helgina veiddu ótrúlega vel og 10-20 fiskar á stöng er ekkert mál þegar skilyrðin eru svona góð við vatnið.