Margir stútar gripnir í nótt

Þetta kemur fram í skýrslu lögreglunnar á höfuðborgarsvæðinu.

Fimm eru grunaðir um akstur undir áhrifum áfengis og tveir undir áhrifum fíkniefna. Þá eru tveir ökumenn grunaðir um að setjast við stýri undir áhrifum bæði áfengis og fíkniefna.

Lögreglan hafði afskipti af fleirum en stútum í nótt. Meðal annars tveimur einstaklingum sem neituðu að borga fyrir umbeðinn akstur í leigubíl. En leigubílstjórarnir höfðu óskað eftir aðstoð lögreglu.

Í hverfi 109, það er Breiðholtinu, var tilkynnt um eitt innbrot í heimahúsi og einstakling sem var til vandræða í verslun. Í Breiðholtinu var einnig tilkynnt um einstakling sem var að ganga í veg fyrir bíla.