Bleikjan farin að taka í Úlfljótsvatni

Eins og veiðimenn tóku eftir í fyrra var mikið talað um hrun í bleikjuveiðinni í Þingvallavatni í fyrra og ansi margir sem þekkja vatnið mjög vel voru að koma tómhentir heim dag eftir dag. Þeir sem aftur á móti voru duglegir að stunda Úlfljótsvatn voru ekkert að kvarta. Vissulega veiðast oft færri fiskar á stöng en bleikjan er væn og vel haldin. Veiðiaðferðirnar og fæðan í vatninu er sú sama og við Þingvallavatn svo það þarf ekkert að gera til að aðlagast nýju vatni, það er að segja ef þú hefur ekki prófað vatnið ennþá.

Úlfljótsvatn er nefnilega skemmtilegt vatn með góðri veiðivon, góðum bleikjum og urriða sem má hirða (á svæði veiðikortsins eingöngu), ólíkt reglunum í Þingvallavatni, en sú skoðun að hluta hruns í bleikjuveiði megi rekja til mikillir fjölgunar á urriða í Þingvallavatni verður sífellt háværari.  Við mælum til dæmis með að prófa þetta svæði hjá Fish Partner https://fishpartner.is/veidisvaedi/ulfljotsvatn-efri-bru/