Fín vorveiði í Vatnsdalsá

Karl Lúðvíksson skrifar 5. maí 2023 10:51

Flottur sjóbirtingur úr opnun Vatnsdalsár

Vorveiðin getur oft verið mjög skemmtileg og þrátt fyrir að veðrið geti verið mjög breytilegt kemur það ekki í veg fyrir góðar veiðitölur.

Vatnsdalsá hefur verið opin í nokkra daga og veiðin þar hefur farið afskaplega vel af stað. Fyrsta hollið sem var við veiðar var búið að fá um það bil 80 fiska á sex stangir á tveimur dögum þrátt fyrir að það hafi verið kalt í veðri. Straumflugur voru að gefa bestu veiðina og sú fluga sem stendur upp úr í aflabrögðum er Rektorinn í útgáfu frá Reiði Öndinni. Það hlýnar vonandi aðeins næstu daga sem á bara eftir að gera veiðina betri ef það er þá hægt eftir svona flotta byrjun.

Stangveiði