Vorveiðin hálfnuð í Kjósinni

Laxá í Kjós er með mjög sterkan sjóbirtingsstofn og það er eiginlega einstakt að sjá jafn sterkan stofn í góðri laxveiðiá en Ísland á nokkrar veiðiár sem búa svo vel. Þeirra á meðal eru til dæmis Víðidalsá, Grímsá og Ytri Rangá svona rétt til að nefna nokkrar. Vorveiðin í Laxá í Kjós hefur verið mjög vinsæl og hafa sömu veiðimennirnir verið að sækja í ánna ár eftir ár. Tímabilið núna er hálfnað og veiðin komin í 220 fiska sem er ljómandi veiði. Sjóbirtingur fer að ganga í Laxá í Kjós um mánaðarmótin júní júlí og veiðistaðir eins og Kársnesfljót verða á þeim tíma bláir af birting.