Stjóri Jóhanns Bergs á blaði hjá Chelsea

Frá þessu greinir Sky Sports í dag en Kompany hefur verið að gera virki­lega flotta hluti á sínu fyrsta tíma­bili sem knatt­spyrnu­stjóri Burnl­ey. Liðið hefur nú þegar tryggt sér sæti í ensku úr­vals­deildinni á næsta tíma­bili.

Þjálfara­ferill Kompany, sem á sínum tíma sló í gegn sem leik­maður Manchester City, er ekki langur. Hann hófst í Belgíu hjá Ander­lecht og þaðan færði hann sig yfir til Burnl­ey og orðið til þess að ferskir vindar blása þar.

Á sama tíma hefur enska úr­vals­deildar­fé­laginu Burnl­ey gengið bölvan­lega. For­ráða­menn fé­lagsins hafa í tví­gang rekið knatt­spyrnu­stjóra sinn á yfir­standandi tíma­bili og nú er Frank Lampard starfandi þar sem bráða­birgða­stjóri.

Heimildir Sky Sports herma að þrír knatt­spyrnu­stjórar séu á blaði hjá for­ráða­mönnum Chelsea þessa stundina. Það séu þeir Mauricio Pochettino, Vincent Kompany og einn stjóri til við­bótar sem ekki er nafngreindur sem um ræðir þar.

Talið er að Julian Nagelsmann, fyrrum knattspyrnustjóri Bayern Munchen hafi ekki lengur áhuga á að taka við stjórnartaumunum á Brúnni. 

Þessa dagana fari fram ó­form­legir fundir for­ráða­manna Chelsea með fyrr­greindum stjórum.

Þrátt fyrir að stórum fjár­hæðum hafi verið eytt í kaup á nýjum leik­mönnum hafa úr­slitin ekki fallið með Chelsea.

Liðið er sem stendur í 11. sæti ensku úr­vals­deildarinnar með 39 stig, 11 stigum frá Evrópu­sæti.