Sumarið heilsar með suð­lægri átt

Í nótt og fyrramálið snýst í norðan kalda eða stinningskalda og það snögg kólnar á norðanverðu landinu. Þar má búast við dálítilli snjókomu eða slyddu fyrri part dags á morgun með hita nálægt frostmarki, en eftir hádegi ætti þó að verða úrkomulítið. Á suður hluta landsins verður yfirleitt þurrt og talsvert hlýrra, hiti 5 til 13 stig yfir daginn, en annað kvöld kólnar þar með stöku skúrum.

Veðurhorfur á landinu næstu daga

Á föstudag:

Snýst í norðan og norðaustan 5-13 m/s. Dálítil snjókoma á norðanverðu landinu og hiti nálægt frostmarki, en stöku él þar eftir hádegi. Yfirleitt þurrt sunnanlands og hiti 5 til 13 stig yfir daginn, en líkur á dálítilli vætu um kvöldið.

Á laugardag:

Norðaustan og austan 3-10 og skýjað með köflum, en stöku skúrir suðvestantil. Bjartviðri um landið norðvestanvert. Hiti 1 til 7 stig yfir daginn, en í kringum frostmark norðaustanlands.

Á sunnudag:

Hæg breytileg átt og víða bjartviðri, en skúrir eða slydduél á Suðvestur- og Vesturlandi. Hiti breytist lítið.

Á mánudag:

Fremur hæg austlæg eða breytileg átt og dálitlar skúrir eða slydduél, en yfirleitt þurrt norðan- og austantil. Hiti áfram svipaður.

Á þriðjudag og miðvikudag:

Norðaustlæg átt og líkur á skúrum eða éljum víða um land. Heldur kólnandi.