Ný raðhús úr vistvænu byggingarefni í rótgrónu hverfi

Fasteignasalan Lind er með til sölu einstaklega fallegar íbúðir í Furugerði í Fossvoginum í Reykjavík gerðar úr vistvænum byggingarefnum. Um er að ræða nýbyggð raðhús á tveimur hæðum en hver íbúð hefur fjögur svefnherbergi, tvö baðherbergi, stórt þvottahús og stæði í bílastæðakjallara fylgir hverri eign.

 „Þessar íbúðir henta öllum aldurshópum. Um er að ræða frábæra staðsetningu í rótgrónu hverfi þar sem lítið sem ekkert framboð er af nýju sambærilegu húsnæði. Fyrir vikið eru allir innviðir klárir og stutt í flesta þjónustu,“ segir Hrafnkell P. H. Pálmason, löggiltur fasteignasali hjá fasteignasölunni Lind.

„Staðsetningin býður upp á gott aðgengi að helstu samgönguæðum borgarinnar, húsin standa í göngufjarlægð við Kringluna og Skeifuna og Fossvogsdalurinn með öllum sínum útivistarmöguleikum er í nokkurra mínútna fjarlægð auk Nauthólsvíkur.“

Raðhúsin eru hönnuð af Arnari Þór Jónssyni hjá Arkís. „Húsin eru skemmtilega hönnuð þar sem hver fermetri er vel nýttur auk þess að bjóða upp á skemmtilegt uppbrot milli húsa. Enda hefur eftirspurnin verið góð og nú þegar er meirihlutinn seldur,“ bætir Hrafnkell við.

Umhverfisvænt og vistvænt byggingarefnid

Raðhúsin mæta þörfum nútíma fjölskyldna og kröfum samtímans um sjálfbærni en vistvænar krosslímdar timbureiningar (CLT) voru notaðar við byggingu þeirra. „Kostir þeirra eru ótvíræðir enda mjög umhverfisvænt og vistvænt byggingarefni sem gefur ótrúlega góða hljóðvist inni í húsunum. CLT er um leið líklegast mest vaxandi byggingarefni á heimsvísu,“ segir María Rúnarsdóttir, hjá Umbra ehf. sem er eigandi verkefnisins.

Hljóðvist og loftræstikerfi til fyrirmyndar

Nýju raðhúsin standa við Bústaðaveg þar sem löngum hefur verið mikil bílaumferð. „Því var hugað sérstaklega að hljóðvist í húsunum og er hljóðeinangrunargler í öllum íbúðum sem snúa út að umferðargötunni. Það þýðir að ef staðið er inni í húsinu heyrist ekkert í umferðinni fyrir utan. Í framtíðinni er síðan planið hjá borgaryfirvöldum að minnka umferðarhraða í gegnum hverfið.“

Loftræstikerfi er auk þess í öllum íbúðum sem viðheldur fersku lofti þannig að ekki þarf að byrja á að lofta út þegar komið er heim. „Upplifunin er því eins og það sé alltaf nýbúið að lofta út, hvort sem það er í upphafi eða í lok dags.“

Hagkvæmur rekstrarkostnaður

Frágangur húsanna að utan er hannaður með það að leiðarljósi að rekstrarkostnaður verði sem hagkvæmastur að sögn Maríu. „Einangrunargildið er hátt og viðhald gluggakerfa og klæðninga er lítið. Húsin eru einangruð að utan með steinull og klædd með ál/stál og timbri.“

Bjartar og nútímalegar íbúðir með hagnýtu skipulagi á mjög eftirsóknarverðu svæði. Sjá nánar á furugerdi.is.

Bókaðu skoðun hér