„Vorum ákveðnir að svara fyrir okkur“

„Það er gott og bara gaman,“ sagði Viktor hógvær í samtali við Vísi eftir leikinn.

Markvörðurinn segir Íslendinga ætla að klára leikina sem eftir eru í riðlakeppninni og fara inn á EM með stæl.

„Það er markmiðið,“ sagði Viktor í hávaðanum í Höllinni.

Ísland tapaði fyrir Tékklandi, 22-17, á miðvikudaginn og þurfti því að svara fyrir sig í dag.

„Það var helvíti þungt í mannskapnum daginn eftir og á leiðinni heim en við vorum ákveðnir að svara fyrir okkur og gerðum það,“ sagði Viktor að lokum.