Mikið áfall fyrir Tottenham

Bentancur sleit krossband í hné þegar Tottenham tapaði 4-1 fyrir Leicester City í ensku úrvalsdeildinni á laugardaginn.

Ljóst er að Bentancur spilar ekki meira með Spurs á tímabilinu. Þetta er mikið áfall fyrir liðið enda Úrúgvæinn lykilmaður í því.

Bentancur hefur leikið átján leiki í ensku úrvalsdeildinni í vetur og skorað fimm mörk. Hann kom til Spurs frá Juventus fyrir rúmu ári.

Tottenham mætir AC Milan í fyrri leik liðanna í sextán liða úrslitum Meistaradeildar Evrópu annað kvöld. 

Spurs er í 5. sæti ensku úrvalsdeildarinnar með 39 stig eftir 23 leiki, tveimur stigum frá Meistaradeildarsæti.