Innlent

Óður maður á matsölustað

Samúel Karl Ólason skrifar
Lögregluþjónar höfðu ýmsum hnöppum að hneppa í dag.
Lögregluþjónar höfðu ýmsum hnöppum að hneppa í dag. Vísir/Vilhelm

Lögreglunni á höfuðborgarsvæðinu barst í dag tilkynning um óðan mann á matsölustað í miðbæ Reykjavíkur. Þegar lögregluþjóna bar að garði höfðu öryggisverðir þó fylgt manninum út. Ekki fylgir sögunni í dagbók lögreglunnar hvort maðurinn hafi verið handtekinn.

Umferðaróhapp varð í miðbænum þar sem tveir bílar skullu saman og urðu báðir óökufærir. Fólk í bílunum fékk minniháttar áverka en slökkvilið kom til að þrífa upp olíu.

Einnig varð umferðaróhapp á Miklubraut en þar kom til ágreinings milli ökumanna. Þegar lögregluþjónar komu á vettvang hafði sá sem talinn er hafa valdið slysinu flúið af vettvangi.

Þá hefur lögreglan til rannsóknar eitt innbrot í miðbænum.

Einnig barst tilkynning um meðvitundarlausan mann í Breiðholti. Sá reyndist ofurölvi en hlúð var að honum og honum keyrt heim.

Lögreglumál

Mest lesið


Fleiri fréttir

Sjá meira


×

Mest lesið