Fótbolti

María C­at­harina verður sam­herji Hildar hjá Fortuna

Runólfur Trausti Þórhallsson skrifar
María Catharina Ólafsdóttir Gros hefur spilað fyrir Celtic í Skotlandi og Þór/KA á Akureyri þrátt fyrir ungan aldur.
María Catharina Ólafsdóttir Gros hefur spilað fyrir Celtic í Skotlandi og Þór/KA á Akureyri þrátt fyrir ungan aldur. Twitter@FortunaVrouwen

María Catharina Ólafsdóttir Gros hefur verið tilkynnt sem nýjasti leikmaður Fortuna Sittard í hollensku úrvalsdeildinni. Hún verður því samherji Hildar Antonsdóttur sem gekk í raðir liðsins síðasta haust.

María Catharina fagnar tvítugs afmæli sínu á árinu en Fortuna verður þriðja liðið sem hún spilar með í meistaraflokki.

Hún er uppalin hjá Þór/KA á Akureyri en samdi við Celtic í Skotlandi árið 2021. Þar var María Catharina í eitt tímabil áður en hún gekk aftur í raðir Þórs/KA síðasta sumar. Hún hefur nú skipt yfir til Hollands og mun spila með Hildi Antonsdóttir út tímabilið.

María Catharina hefur þrátt fyrir ungan aldur spilað 66 KSÍ leiki í meistaraflokki og skorað 10 mörk.

Fortuna Sittard situr í 3. sæti hollensku úrvalsdeildarinnar með 22 stig að loknum 11 leikjum.

Fótbolti Hollenski boltinn

Mest lesið


Fleiri fréttir

Sjá meira


×

Mest lesið