Bændur beðnir að huga að gripum sínum vegna flóðahættu

Mast sem hefur það verkefni m.a. að hafa eftirlit með heilbrigði og velferð dýra hefur sett fram viðvörun á vef sínum í dag vegna fyrirliggjandi veðurspár. 

Í frétt á vef Mast kemur fram að Almannavarnir hafi gefið út viðvörun vegna mögulegrar hláku á morgun, , en flestar ár séu ísi lagðar.  Sterkar líkur séu á að lægð gangi yfir landið með nokkrum hlýindum og mikilli úrkomu.

MAST varar við að í aðstæðum sem þessum hafi orðið umtalsverð flóð og gripir orðið innlyksa. Hafi búfjáreigendur á þessum svæðum ekki komið þeim fyrir í landi sem liggja hærra hefur reynst erfitt að koma þeim til hjálpar. Því eru eigendur útigangsgripa þar sem líkur geta verið á flóðum beðnir um að huga að því hvort efni séu til að koma þeim á hærra land fari svo að ár ryðji sig.