Dagný í liði West Ham sem tapaði fyrir Manchester City

Fyrir leikinn í dag munaði aðeins fjórum stigum á liðunum og West Ham átti því möguleikann á að komast nær efri hlutanum en liðið var um miðja deild fyrir leikinn.

Dagný, sem er fyrirliði West Ham liðsins, lék allan leikinn í dag en náði ekki að koma í veg fyrir tap síns liðs. Sigurmark City kom á 50.mínútu þegar Bunny Shaw fékk frábæra sendingu inn fyrir vörn West Ham, lék á markvörðinn og skoraði.

Með sigrinum færist lið City nær toppliðunum og er nú með 22 stig, sex stigum á eftir toppliði Chelsea en á leik til góða. West Ham situr áfram í 6.sæti með 15 stig.