Handbolti

„Þetta var bara slys“

Stefán Árni Pálsson skrifar
Björgvin Páll hefur staðið í rammanum stóran hluta af báðum leikjum íslenska liðsins á HM. 
Björgvin Páll hefur staðið í rammanum stóran hluta af báðum leikjum íslenska liðsins á HM.  Vísir/vilhelm

„Þetta var löng nótt og ég held ég hafi litið síðast á klukkuna 4:50,“ segir Björgvin Páll Gústavsson, markvörður íslenska landsliðsins, fyrir æfingu liðsins í Kristianstad í gær. Ísland mætir Suður-Kóreu klukkan 17:00 í lokaleik liðsins í riðlinum.

„Svo vaknar maður bara ekki ferskur og skánar með deginum,“ segir Björgvin og bætir við að það hafi verið sjokk hvernig leikurinn gegn Ungverjum fór á laugardaginn þegar liðið tapaði 30-28.

„Sérstaklega hvernig hann þróaðist og fyrir framan þessa áhorfendur. Það var gríðarlegt svekk. Svo er bara nýr dagur og ný tækifæri.“

Hann segir að staðan sé í rauninni mjög einföld og það er bara að vinna næsta leik.

„Og svo ætlum við að vinna leikinn þar á eftir og í besta falli vinnum við alla leiki þar á eftir og verðum heimsmeistarar. Þetta var bara slys og við vorum góðir í leiknum gegn Ungverjum heilt yfir. Menn þurfa núna að skoða sjálfan sig, gagnrýna sjálfan sig, taka þeirri gagnrýni sem kemur á okkur og vinna bara Suður-Kóreu.“

Klippa: Þetta var bara slys
Landslið karla í handbolta HM 2023 í handbolta

Mest lesið


Fleiri fréttir

Sjá meira


×

Mest lesið