Ótrúleg endurkoma D-deildarliðsins gegn Aston Villa

Heimamenn í Aston Villa tóku forystuna á 33. mínútu þegar Morgan Sanson skoraði eftir stoðsendingu frá Danny Ings og staðan var því 1-0 þegar flautað var til hálfleiks.

Lengst af leit út fyrir að heimamenn ætluðu að sigla nokkuð þægilegum sigri heim, en þegar um fimm mínútur voru til leiksloka fór allt í skrúfuna.

Leander Dendoncker lét reka sig af velli með beint rautt spjald á 85. mínútu og þremur mínútum síðar jafnaði varamaðurinn Jamie Reid metin fyrir gestina af vítapuntinum.

Dean Campbell, sem hafði komið inn á sem varamaður á sama tíma og Reid, reyndist svo hetja Stevenage þegar hann tryggði liðinu dramatískan sigur með marki í uppbótartíma og liðið því á leið í fjórðu umferð á kostnað Aston Villa.