Tónlist Hildar í tveimur myndum á lista fyrir BAFTA

Samúel Karl Ólason skrifar 6. janúar 2023 16:51

Hildur Guðnadóttir, tónskáld. Getty/Gilbert Flores/

Tónlist tónskáldsins Hildar Guðnadóttur í kvikmyndunum Tár og Women Talking er á stuttlista fyrir BAFTA verðlaunin. Hildur hefur áður unnið BAFTA verðlaun fyrir tónlist sína auk þess sem hún hefur unnið Óskarsverðlaun, Grammy, Golden Globe og Critic‘s Choice verðlaun.

Tilnefningar BAFTA voru opinberaðar á vef verðlaunanna nú í dag. Listarnir verða þó styttir í atkvæðagreiðslu, áður en verðlaunakvöldið fer fram í febrúar.

Kvikmyndin Tár fjallar um tónskáldið Lydia Tár og feril hennar. Cate Blanchett er þar í aðalhlutverki.

Women Talking byggir á samnefndri skáldsögu og á raunverulegum atburðum í Bólivíu. Hún fjallar um hóp kvenna í einangruðum sértrúarsöfnuði sem átta sig á því að menn í söfnuðinum hafa verið að byrla þeim og nauðga um árabil. Í aðhlutverkum eru þær Rooney Mara, Clair Foy og Jessie Buckley.

Tónlist Hildar í Women Talking hefur einnig verið tilnefnd til Golden Globe verðlauna. Þá er vert að taka fram að Hildur vann Óskarsverðlaun árið 2020 fyrir tónlist sína í kvikmyndinni um Jókerinn.

Tónlist Hildur Guðnadóttir BAFTA-verðlaunin Bíó og sjónvarp

Tengdar fréttir

Óskarsdraumar Hildar lifa áfram

Women Talking er ein tíu mynda sem eiga möguleika á tilnefningu til Óskarsverðlauna fyrir bestu tónlist. Hildur Guðnadóttir gerði tónlistina og lifa Óskarsdraumarhennar áfram. Um tíma var talið líklegt að Hildur yrði tilnefnd fyrir tónlist úr tveimur myndum en hún mun ekki hljóta tilnefningu fyrir tónlistina í kvikmyndinni Tár. Hildur fékk Óskarsverðlaunin árið 2020 fyrir kvikmyndina Joker.

21. desember 2022 20:32

Tónlist Hildar úr Tár útilokuð frá Óskarnum en annað verk hennar talið líklegt

Útilokað er að tónskáldið Hildur Guðnadóttir verði tilnefnd tvisvar í sama flokknum til Óskarsverðlauna á næsta ári eins og áður var talið mögulegt. Tónlist hennar úr myndinni Tár kemur ekki til greina. Þó er talið er líklegt að Hildur verði tilnefnd fyrir tónlistina í myndinni Women Talking.

13. desember 2022 10:27

Hildur Guðnadóttir hlýtur Golden Globe tilnefningu fyrir Women Talking

Tilnefningarnar til Golden Globe verðlaunanna voru tilkynntar rétt í þessu. Tónskáldið Hildur Guðnadóttir hlýtur tilnefningu fyrir Women Talking þar sem Rooney Mara og Frances McDormand fara með aðalhlutverk.

12. desember 2022 14:25

Battlefield 2042: Ókláraður og á köflum óspilandi

Battlefield 2042 hefur valdið mér miklum vonbrigðum og hefur að mestu verið nánast óspilanlegur. Leikurinn er langt frá því að vera tilbúinn en hann hefur sína kosti og gæti jafnvel talist mjög efnilegur. Það vantar þó töluvert upp á enn sem komið er.

24. nóvember 2021 08:45