Fótbolti

Bjarni hitti í Mark hjá Arnari Þór

Ingvi Þór Sæmundsson skrifar
Bjarni Mark Antonsson (nr. 2) í leik með KA gegn FH í Mjólkurbikarnum 2018.
Bjarni Mark Antonsson (nr. 2) í leik með KA gegn FH í Mjólkurbikarnum 2018. vísir/bára

Bjarna Mark Antonssyni hefur verið bætt við hóp íslenska karlalandsliðsins í fótbolta fyrir leikina gegn Svíþjóð og Eistlandi á Algarve í næsta mánuði.

Landsliðsþjálfarinn Arnar Þór Viðarsson valdi 22 leikmenn í hópinn fyrir leikina á Algarve fyrr í þessum mánuði en sagði líklegt að sá 23. myndi bætast við.

Arnar Þór hefur nú bætt Bjarna við landsliðshópinn. Hann hefur leikið tvo leiki fyrir A-landsliðið, gegn Kanada og El Salvador í janúar 2020.

Bjarni, sem varð 27 ára í fyrradag, leikur með norska B-deildarliðinu Start. Hann kom til liðsins frá Brage í Svíþjóð.

Bjarni lék með KA og Fjarðabyggð áður en hann fór til Kristianstad í Svíþjóð 2016. Hann sneri aftur til KA fyrir tímabilið 2018 og lék þá alla 22 deildarleiki þeirra gulu og bláu um sumarið.

Landslið karla í fótbolta Fótbolti

Mest lesið


Fleiri fréttir

Sjá meira


×

Mest lesið