Hefur engar áhyggjur af Kane eftir vítaklúðrið: „Erum að tala um heimsklassa framherja“

„Ég hef í alvöru engar áhyggjur af honum. Ég er búinn að fylgjast vel með honum síðan hann kom til baka,“ sagði Conte.

„Við erum að tala um heimsklassa framherja.“

Kane skoraði tvö mörk á HM í Katar og var eitt þeirra úr vítaspyrnu gegn Frökkum fyrr í sama leik.

„Í fótbolta erum við með mikið af spennandi augnablikum, en þú getur líka fengið augnablik þar sem þú ert mjög vonsvikinn eftir að hafa misnotað seinna vítið. Hann skoraði úr fyrra vítinu.“

„Þegar ég var leikmaður þá klikkaði ég aldrei á vítum af því að ég tók þau ekki. Aldrei. Af því að ég var ömurlegur í því. En ég upplifði vítaspyrnukeppnina sem við töpuðum á HM á móti Brasilíu og maður er virkilega sár og vonsvikinn,“ sagði Conte, en hann var hluti af ítalska landsliðinu sem tapaði gegn Brasilíu í vítaspyrnukeppni í úrslitaleik HM 1994.

„Til að byrja með ertu sár, en svo veistu að þú þarft að halda áfram. Fótboltinn gefur þér annað tækifæri til að njóta þess að spila,“ sagði Conte að lokum.

Conte og Kane verða í eldlínunni þegar Tottenham heimsækir Brentford í fyrsta leik ensku úrvalsdeildarinnar eftir HM-pásuna á morgun klukkan 12:30. Tottenham situr í öðru sæti deildarinnar með 29 stig eftir 15 leiki og getur jafnað Englandsmeistara Manchester City að stigum með sigri, í það minnsta tímabundið.