HM ekki í hættu hjá Viktori Gísla Ingvi Þór Sæmundsson skrifar 6. desember 2022 12:23 Viktor Gísli Hallgrímsson er á leið á sitt fjórða stórmót þrátt fyrir að vera aðeins 22 ára. vísir/hulda margrét Aðdáendur íslenska karlalandsliðsins í handbolta geta varpað öndinni léttar því allar líkur eru á því að Viktor Gísli Hallgrímsson verji mark þess á HM í Svíþjóð og Póllandi í byrjun næsta árs. Viktor fór meiddur af velli þegar Nantes sigraði Sélestat, 31-24, í frönsku úrvalsdeildinni í fyrradag. Hann meiddist á olnboga en þetta voru sömu meiðsli og héldu honum frá keppni í nokkrar vikur í haust. „Þetta er það sama og seinast. Þetta er í olnboganum. Ég fékk slæmt högg í hraðaupphlaupi. Ég fékk skot af eins metra færi í útrétta hönd,“ sagði Viktor í samtali við Vísi í dag. „En ég verð betri með hverjum deginum. Ég fór til læknis í gær og hann sagði að það væru engir aukaáverkar.“ Hjarta flestra aðdáenda íslenska handboltalandsliðsins tók aukaslag þegar þeir heyrðu af því að gömul meiðsli hefðu tekið sig upp hjá Viktori enda bara rúmur mánuður þar til HM hefst. Markvörðurinn var hins vegar hinn rólegasti þegar blaðamaður Vísis tók púlsinn á honum. Viktor var allavega ekki verri í hendinni en svo að hann spilaði tölvuleikinn FIFA á meðan viðtalinu stóð. Viktor Gísli varð danskur meistari með GOG á síðasta tímabili.vísir/vilhelm „Ég tek þetta bara frá degi til dags. Ég hef engar áhyggjur af HM,“ sagði Viktor og bætti við að meiðslin væru ekki jafn slæm og í haust. „Þá var ég að drepast og gat ekki notað höndina í viku. Þetta lagast af sjálfu sér með hvíld en ég hef ekki þann tíma. En ég er mjög bjartsýnn á að ná HM.“ Ánægður með durgavörnina Viktor gekk í raðir Nantes frá Danmerkurmeisturum GOG fyrir tímabilið. Hann kann einkar vel við sig hjá franska liðinu sem spilar vörn sem dregur fram það besta í honum. „Þetta er búið að vera geggjað og ég hef staðið mig mjög vel. Þetta er geggjað lið og vörn sem hentar mér vel. Þetta eru stórir durgar og sterkir menn sem eru góðir að blokka, eitthvað sem ég var ekki alveg með í Danmörku. Ég fæ létta bolta til að koma mér í gang og fæ sjálfstraust. Það er gott traust og góð samskipti milli mín og varnarinnar,“ sagði Viktor. Viktor Gísli hefur leikið sem atvinnumaður erlendis síðan 2019.vísir/hulda margrét Frammarinn fyrrverandi átti stórleik þegar Nantes sigraði Álaborg, 35-28, í Meistaradeild Evrópu í síðustu viku. Þetta var annar sigur liðsins á Dönunum á skömmum tíma. „Það var rosalegt. Að vinna Álaborg er magnað fyrir mig eftir árin í Danmörku. Þetta var geggjað. Ég byrjaði líka vel í fyrri leiknum en Álaborg spilar mjög hratt og skora létt mörk. En í þessum leik hélt ég dampi. Við spiluðum líka betri vörn,“ sagði Viktor sem varði tuttugu skot í leiknum. Þar af voru þrjú vítaköst, meðal annars tvö frá Mikkel Hansen. Milli þess sem Viktor spilar handbolta og FIFA stundar hann fjarnám í sálfræði. Hann nýtur líka lífsins í Nantes. „Þetta er mjög flott félag og það kom mér á óvart hvað þetta er flott borg. Það er líka ótrúlega góð umgjörð í kringum liðið,“ sagði Viktor. Pælir lítið í áhuga Kiel Eftir frábæra frammistöðu að undanförnu hefur hann meðal annars verið orðaður við Kiel. Hann veit þó lítið um þann áhuga. „Það er rkkert sem ég hef heyrt. Ég veit ekkert meira en þú. Ég veit bara að þeir fá [Vincent] Gérard fyrir næsta tímabil og það er erfitt fyrir mig að hugsa til 2025,“ sagði Viktor en þá rennur samningur hans við Nantes út. Sem fyrr sagði hefst HM í handbolta um miðjan janúar. Miklar vonir eru bundnar við íslenska liðið eftir vaska framgöngu á EM í byrjun þessa árs. Þar endaði Ísland í 6. sæti og Viktor var valinn í úrvalslið mótsins. Markvörðurinn hlakkar skiljanlega til heimsmeistaramótsins. „Klárlega. Ég er mjög spenntur. Það verður spennandi að sjá hvernig við stöndum,“ sagði Viktor að lokum. Franski handboltinn Landslið karla í handbolta HM 2023 í handbolta Mest lesið „Hún reif í mig og hraunaði yfir mig, á Marilegan hátt“ Sport Stöðvuðu bardaga Valgerðar Sport Guðmundur miður sín eftir stórtap: „Eitt það versta sem ég hef upplifað lengi“ Handbolti Ósætti við úrelta löggjöf: „Sennilega eina þjóðin eftir í heiminum“ Sport „Ég á Íslandi líf mitt að þakka“ Íslenski boltinn „Vil miklu frekar eiga feril í MMA heldur en að vinna skrifstofustarf“ Sport Húbba Búbba kippt af dagskrá: „Það eina sem ég spila í Víkinni er fótbolti“ Íslenski boltinn Raya hetjan er Skytturnar lögðu rútunni í Bergamo Fótbolti „Ein besta markvarsla sem ég hef séð“ Fótbolti Tyson segist ekki berjast vegna peninganna Sport Fleiri fréttir Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Íslendingaliðið byrjar vel í titilvörninni Rakel Dögg: Lokuðum vel varnarlega og Alfa skildi liðin að sóknarlega Uppgjörið: Fram - Haukar 27-26 | Heimakonur unnu æsispennandi leik Sjá meira
Viktor fór meiddur af velli þegar Nantes sigraði Sélestat, 31-24, í frönsku úrvalsdeildinni í fyrradag. Hann meiddist á olnboga en þetta voru sömu meiðsli og héldu honum frá keppni í nokkrar vikur í haust. „Þetta er það sama og seinast. Þetta er í olnboganum. Ég fékk slæmt högg í hraðaupphlaupi. Ég fékk skot af eins metra færi í útrétta hönd,“ sagði Viktor í samtali við Vísi í dag. „En ég verð betri með hverjum deginum. Ég fór til læknis í gær og hann sagði að það væru engir aukaáverkar.“ Hjarta flestra aðdáenda íslenska handboltalandsliðsins tók aukaslag þegar þeir heyrðu af því að gömul meiðsli hefðu tekið sig upp hjá Viktori enda bara rúmur mánuður þar til HM hefst. Markvörðurinn var hins vegar hinn rólegasti þegar blaðamaður Vísis tók púlsinn á honum. Viktor var allavega ekki verri í hendinni en svo að hann spilaði tölvuleikinn FIFA á meðan viðtalinu stóð. Viktor Gísli varð danskur meistari með GOG á síðasta tímabili.vísir/vilhelm „Ég tek þetta bara frá degi til dags. Ég hef engar áhyggjur af HM,“ sagði Viktor og bætti við að meiðslin væru ekki jafn slæm og í haust. „Þá var ég að drepast og gat ekki notað höndina í viku. Þetta lagast af sjálfu sér með hvíld en ég hef ekki þann tíma. En ég er mjög bjartsýnn á að ná HM.“ Ánægður með durgavörnina Viktor gekk í raðir Nantes frá Danmerkurmeisturum GOG fyrir tímabilið. Hann kann einkar vel við sig hjá franska liðinu sem spilar vörn sem dregur fram það besta í honum. „Þetta er búið að vera geggjað og ég hef staðið mig mjög vel. Þetta er geggjað lið og vörn sem hentar mér vel. Þetta eru stórir durgar og sterkir menn sem eru góðir að blokka, eitthvað sem ég var ekki alveg með í Danmörku. Ég fæ létta bolta til að koma mér í gang og fæ sjálfstraust. Það er gott traust og góð samskipti milli mín og varnarinnar,“ sagði Viktor. Viktor Gísli hefur leikið sem atvinnumaður erlendis síðan 2019.vísir/hulda margrét Frammarinn fyrrverandi átti stórleik þegar Nantes sigraði Álaborg, 35-28, í Meistaradeild Evrópu í síðustu viku. Þetta var annar sigur liðsins á Dönunum á skömmum tíma. „Það var rosalegt. Að vinna Álaborg er magnað fyrir mig eftir árin í Danmörku. Þetta var geggjað. Ég byrjaði líka vel í fyrri leiknum en Álaborg spilar mjög hratt og skora létt mörk. En í þessum leik hélt ég dampi. Við spiluðum líka betri vörn,“ sagði Viktor sem varði tuttugu skot í leiknum. Þar af voru þrjú vítaköst, meðal annars tvö frá Mikkel Hansen. Milli þess sem Viktor spilar handbolta og FIFA stundar hann fjarnám í sálfræði. Hann nýtur líka lífsins í Nantes. „Þetta er mjög flott félag og það kom mér á óvart hvað þetta er flott borg. Það er líka ótrúlega góð umgjörð í kringum liðið,“ sagði Viktor. Pælir lítið í áhuga Kiel Eftir frábæra frammistöðu að undanförnu hefur hann meðal annars verið orðaður við Kiel. Hann veit þó lítið um þann áhuga. „Það er rkkert sem ég hef heyrt. Ég veit ekkert meira en þú. Ég veit bara að þeir fá [Vincent] Gérard fyrir næsta tímabil og það er erfitt fyrir mig að hugsa til 2025,“ sagði Viktor en þá rennur samningur hans við Nantes út. Sem fyrr sagði hefst HM í handbolta um miðjan janúar. Miklar vonir eru bundnar við íslenska liðið eftir vaska framgöngu á EM í byrjun þessa árs. Þar endaði Ísland í 6. sæti og Viktor var valinn í úrvalslið mótsins. Markvörðurinn hlakkar skiljanlega til heimsmeistaramótsins. „Klárlega. Ég er mjög spenntur. Það verður spennandi að sjá hvernig við stöndum,“ sagði Viktor að lokum.
Franski handboltinn Landslið karla í handbolta HM 2023 í handbolta Mest lesið „Hún reif í mig og hraunaði yfir mig, á Marilegan hátt“ Sport Stöðvuðu bardaga Valgerðar Sport Guðmundur miður sín eftir stórtap: „Eitt það versta sem ég hef upplifað lengi“ Handbolti Ósætti við úrelta löggjöf: „Sennilega eina þjóðin eftir í heiminum“ Sport „Ég á Íslandi líf mitt að þakka“ Íslenski boltinn „Vil miklu frekar eiga feril í MMA heldur en að vinna skrifstofustarf“ Sport Húbba Búbba kippt af dagskrá: „Það eina sem ég spila í Víkinni er fótbolti“ Íslenski boltinn Raya hetjan er Skytturnar lögðu rútunni í Bergamo Fótbolti „Ein besta markvarsla sem ég hef séð“ Fótbolti Tyson segist ekki berjast vegna peninganna Sport Fleiri fréttir Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Íslendingaliðið byrjar vel í titilvörninni Rakel Dögg: Lokuðum vel varnarlega og Alfa skildi liðin að sóknarlega Uppgjörið: Fram - Haukar 27-26 | Heimakonur unnu æsispennandi leik Sjá meira