Handbolti

Alusovski rekinn frá Þór

Ingvi Þór Sæmundsson skrifar
Stevce Alusevski hefur verið látinn taka pokann sinn.
Stevce Alusevski hefur verið látinn taka pokann sinn. EPA/TAMAS VASVARI

Stevce Alusovski hefur verið sagt upp störfum sem þjálfara karlaliðs Þórs Ak. í handbolta.

Á Akureyri.net er greint frá því að Alusovski hafi verið rekinn í morgun. Ekki liggur fyrir hver tekur við starfi hans.

Alusovski skilur við Þór í 7. sæti Grill 66 deildarinnar. Liðið hefur aðeins fengið fimm stig í fyrstu sjö leikjum sínum á tímabilinu.

Mikla athygli vakti þegar Alusovski var ráðinn þjálfari Þórs í fyrra. Þar á undan hafði hann stýrt norður-makedónska stórliðinu Vardar Skopje.

Á síðasta tímabili endaði Þór í 4. sæti Grill 66 deildarinnar og tapaði fyrir Fjölni í umspili um sæti í Olís-deildinni.

Olís-deild karla Þór Akureyri

Mest lesið


Fleiri fréttir

Sjá meira


×

Mest lesið