Það var Moise Kean sem kom liðinu yfir skömmu fyrir hálfleikshléið og hann var aftur á ferðinni snemma í síðari hálfleik þegar hann kom liðinu í 2-0.
Arkadiusz Milik gerði svo endanlega út um leikinn á seinustu mínútu venjulegs leiktíma og niðurstaðan því nokkuð öruggur sigur heimamanna.
Juventus stekkur úr fimmta sæti og upp í það þriðja með sigrinum, en liðið er með 31 stig eftir 15 leiki, einu meira en Lazio og Inter.
