Lífið

„Við vissum ekki hvort við myndum lifa þetta af“

Sylvía Rut Sigfúsdóttir skrifar
Inga Henriksen sagði frá reynslu af ofbeldi í nánu sambandi í söfnunarþætti Kvennaathvarfsins.
Inga Henriksen sagði frá reynslu af ofbeldi í nánu sambandi í söfnunarþætti Kvennaathvarfsins. Stöð 2

„Meðan hann var í vinnunni þá var þetta allt í lagi, við nutum þess að vera saman. Við höfum alltaf verið mjög þétt fjölskylda þannig að tíminn sem við áttum saman á meðan hann var í vinnu var mjög ljúfur. Svo var það skýið sem kom í kringum hálf fjögur og helgarnar sem voru bara martröð“

Inga Henriksen er ein þeirra kvenna sem sagði frá reynslu af ofbeldi í nánu sambandi í söfnunarþættinum Saman byggjum við nýtt Kvennaathvarf á Stöð 2 í gær. Barnsfaðir Ingu var dæmdur fyrir að beita hana og börn hennar ofbeldi. 

„Þegar ég lít til baka þá voru mörg móment þar sem ég hefði átt að stíga út. Það er talað um þessi rauðu flögg, sem ég algjörlega hundsaði. Við flytjum út til Svíþjóðar og það æxlast þannig að gríman algjörlega fellur.“

Inga lýsir því að hún og börnin hafi upplifað mikla breytingu á honum úti í Svíþjóð. 

„Við verðum mun einangraðri, við erum ekki með aðgang að bíl, við höfðum ekki aðgang að húslyklum. Við höfðum ekki aðgang að síma nema eftir hans hentisemi.“

Vikuna sem lögregla var kölluð að heimili þeirra hafði andrúmsloftið verið spennuþrungið. Endaði eitt kvöldið svo með alvarlegri líkamsárás og nágrannar kölluðu á lögreglu til þess að bjarga Ingu og börnunum. 

„Atburðarrásin endaði þannig að ég missti tvisvar sinnum meðvitund þetta kvöld.“

Frásögn Ingu má sjá í spilaranum hér fyrir neðan. 

Klippa: Missti tvisvar meðvitund þetta kvöld

Árlega leita yfir 700 konur til Kvennaathvarfsins í leit að ráðgjöf og öruggu skjóli. Sett hefur verið af stað söfnun fyrir stærra og hentugra húsnæði undir yfirskriftinni Saman byggjum við nýtt Kvennaathvarf. Söfnunarþáttur er sýndur á Stöð 2 þann 10. nóvember. 

Söfnunarnúmerin má sjá hér fyrir neðan: 

  • -907-1010- 1.000 krónur
  • -907-1030 -3.000 krónur
  • -907-1050-5.000 krónur

Söfnunarreikningur fyrir frjáls framlög:

Kennitala 410782 – 0229 - Reikningsnúmer 515-14-7700

Heimilisofbeldi Lögreglumál Ofbeldi gegn börnum Saman byggjum við nýtt Kvennaathvarf

Tengdar fréttir

Nauðsynlegt að það foreldri sem beitir ofbeldi leiti sér aðstoðar

Oft getur reynst erfitt að komast út úr aðstæðum ofbeldis í nánum samböndum. Í kvöldfréttum Stöðvar 2 var rætt við Jenný Kristínu Valberg, sem komst út úr ofbeldissambandi fyrir nokkrum árum með aðstoð Kvennaathvarfsins og starfar nú sem ráðgjafi og aðstoðar fólk í sömu stöðu.

Færðu Kvennaathvarfinu tveggja milljóna styrk

N1 færði Kvennaathvarfinu tveggja milljóna króna styrk í dag. Forsvarsfólk athvarfsins safnar nú fyrir nýju húsnæði undir starfsemina sem veitir sífellt fleiri konum aðstoð við að losna úr ofbeldissamböndum. Sökum aukinnar aðsóknar, breiðari þjónustu og aðgengismála er brýn þörf fyrir nýtt húsnæði, en áætlað er að nýja húsnæðið muni kosta um 500 milljónir króna.

Listaverkauppboð til styrktar Kvennaathvarfinu komið í loftið

Listaverkauppboð til styrktar Kvennaathvarfinu hófst í dag en uppboðið er haldið í samvinnu við Gallerí Fold og Vísi. Má þar finna verk eftir okkar fremsta listafólk sem gaf málverk til málefnisins ásamt hópi einstaklinga sem gaf verk úr einkasafni.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.