Jamal Lowe kom heimamönnum í Bournemouth yfir gegn Everton strax á sjöundu mínútu leiksins áður en Junior Stanislas tvöfaldaði forystu liðsins snemma í síðari hálfleik.
Demarai Gray minnkaði muninn fyrir Everton þegar tæpar 25 mínútur voru til leiksloka, en Emiliano Marcondes og Jaidon Anthony sáu til þess að heimamenn unnu öruggan 4-1 sigur og eru því á leið í 16-liða úrslit keppninnar á kostnað Everton.
Þá var Jóhann Berg Guðmundsson í byrjunarliði Burnley sem vann 3-1 sigur gegn Crawley. Ashley Barnes skoraði fyrir Burnley í fyrri hálfleik áður en Anass Zaroury bætti tveimur mörkum við í síðari hálfleik.
Úrslit kvöldsins
Bournemouth 4-1 Everton
Brentford 1-1 Gillingham (5-6 eftir vítaspyrnukeppni)
Bristol City 1-3 Lincoln
Burnley 3-1 Crawley
Leicester 3-0 Newport
MK Dons 2-0 Morecambe
Stevenage 1-1 Charlton (4-5 eftir vítaspyrnukeppni)
