Bein út­sending: Fram­tíðin er kvenna en við erum hins vegar föst í núinu!

Málstofan fer fram í Veröld – húsi Vigdísar, hefst klukkan 17:30 og stendur til 19:30. Hægt verður að fylgjast með málstofunni í spilaranum að neðan. Yfirskrift málstofunnar er „Framtíðin er kvenna en við erum hins vegar föst í núinu!“

Í tilkynningu segir að knattspyrna kvenna sé sú hlið íþróttarinnar sem vaxi hvað hraðast í heiminum og bæði UEFA og FIFA hafi skilgreint sem framtíð knattspyrnunnar.

„Það má líkja stöðu stjórna íþróttafélaga í dag við stöðu stjórna fyrirtækja áður en sérstök lög voru sett um hlutfall kvenna í þeim. Á málþinginu verður rætt hvort gera þurfi það sama fyrir íþróttafélög - og þá sérstaklega fyrir knattspyrnudeildir - ef mark er á takandi á fréttum undanfarnar vikur um stöðu knattspyrnu kvenna hjá nokkrum félögum á landinu.Önnur mál sem verða til umræðu á málstofunni:

• Af hverju eru konur í miklum minnihluta stjórna í knattspyrnudeildum á Íslandi?
• Hvernig er hægt að breyta því?
• Hvað þurfa margar konur að vera í stjórn til að hafa áhrif?

Þátttakendur í málstofunni verða Þorgerður Katrín Gunnarsdóttir, formaður Viðreisnar og alþingismaður, Gréta María Grétarsdóttir, forstjóri Artic Adventures, og Helena Jónsdóttir sem hefur skrifað mastersverkefni um þetta málefni og mun fara yfir niðurstöður þess. Stjórnandi málstofunnar verður Bogi Ágústsson fréttamaður.“

Hægt er að fylgjast með streyminu í spilaranum að neðan.