Handbolti

Lovísa Thompson dregur sig úr landsliðshópnum

Óskar Ófeigur Jónsson skrifar
Lovísa Thompson er meidd og getur ekki spilað með landsliðinu.
Lovísa Thompson er meidd og getur ekki spilað með landsliðinu. Vísir/Hulda Margrét

Breytingar hafa orðið á leikmannahópnum sem Arnar Pétursson landsliðsþjálfari valdi fyrir komandi leiki Ísland í forkeppni HM 2023.

Lovísa Thompson og Berglind Þorsteinsdóttir hafa báðar dregið úr íslenska landsliðshópnum vegna meiðsla. Þetta kemur fram á miðlum Handknattleikssambands Íslands.

Í stað þeirra hefur Katrín Tinna Jensdóttir, leikmaður Volda í Noregi verið kölluð inn í liðið. Katrín Tinna hefur leikið þrjá landsleiki.

Berglind er leikmaður HK en Lovísa spilað með danska félaginu Ringköbing Håndbold áður en hún ákvað að fá sig lausan undir samning við liðið.

Íslenska liðið undirbýr sig nú fyrir leiki í forkeppni HM 2023 gegn Ísrael á Ásvöllum 5. og 6. nóvember.

Á föstudaginn halda stelpurnar okkar til Færeyja og leika þar tvo vináttulandsleiki um helgina.

Landslið kvenna í handbolta HM kvenna í handbolta 2023

Mest lesið


Fleiri fréttir

Sjá meira


×

Mest lesið