„Ekki viss um að við höfum gert nóg til að vinna“

Jorginho kom heimamönnum í Chelsea yfir gegn United með marki af vítapunktinum þegar um þrjár mínútur voru eftir af venjulegum leiktíma. Gestirnir í United gáfust þó ekki upp og uppskáru jöfnunarmark á fjórðu mínútu uppbótartíma og niðurstaðan því 1-1 jafntefli.

„Þetta eru vonbrigði af því að við vorum 1-0 yfir undir lokin, en ef við horfum á leikinn í heild þá er stig á lið líklega sanngjarnt og ég er ekki viss um að við höfum gert nóg til að vinna,“ sagði Potter að leikslokum.

„Það var mikil barátta í þessari frammistöðu og við bættum leik okkar mikið eftir fyrsta hálftíman þannig við tökum því sem við getum fengið.“

„Við náðum ekki nógu mikilli stjórn á miðsvæðinu. Strákarnir gáfu allt sem þeir áttu og ég sá miklar bætingar á ýmsum sviðum, en við vorum að mæta mjög góðu liði.“

„Mér fannst leikmennirnir sýna mjög gott hugarfar á vellinum í dag og þeir gáfu allt sem þeir áttu í erfiðum leik í miðri leikjahrinu. Strákarnir skildu allt eftir á vellinum,“ sagði Potter að lokum.