KR skiptir um Kana

Matthews lék 20 leiki með Grindavík á síðasta leiktímabili í Subway-deildinni í körfubolta þar sem hann skoraði 21 stig, tók 4,5 fráköst og gaf 2,7 stoðsendingar að meðaltali á leik. 

E.C. Matthews er væntanlegur til landsins á næstu dögum en KR-ingar höfðu fyrir tímabilið samið við Bandaríkjamanninn Michael Mallory sem átti að leika með liðinu á þessu tímabili en Mallory mun yfirgefa KR eftir næsta leik liðsins gegn Þór Þorlákshöfn föstudaginn 28. október næstkomandi.

„Við hjá KR viljum koma á framfæri kærum þökkum til Mike fyrir hans framlag til liðsins. Körfuknattleiksdeildin býður EC velkominn til félagsins og væntum við mikils af komu hans til KR,“ er skrifað í tilkynningu KR-inga.