1. umferð CS:GO lokið: Staðan og næstu leikir

Leikir vikunnar

SAGA – TEN5ION

ADHD fór fyrir sterku liði SAGA gegn nýliðum TEN5ION. Leikurinn var jafn og spennandi en TEN5ION var nálægt því að tryggja sér sigur undir lokin. Hugo gafst ekki tími til að setja sprengjuna niður í 30. lotu og var því jafnt eftir venjulegan leiktíma. Eftir tvöfalda framlengingu þar sem ADHD fór vel með vappann vann SAGA loks 22– 19

Þór – LAVA

Minidegreez mætti sínum gömlu liðsfélögum í LAVA á þriðjudaginn þegar liðin tókust á í Ancient. Hugmyndasnautt lið LAVA átti ekki roð við miskunnarlausum Þórsurum þar sem Peterrr fór fyrir hröðum endurtökum með góðum árangri. LAVA beið því stóran ósigur og úrslitin 16–2 fyrir Þór.

NÚ – Fylkir

Bjarni, fyrrum leikstjórnandi Dusty, leiddi sitt nýja lið, NÚ, til sigur í æsispennandi leik gegn Fylki. Lítið sást þó til hans í fyrri hálfleik þar sem Fylkir hafði yfirhöndina en með kröftugum leik Bl1ck og Clvr náði NÚ fram framlengingu. Þrjár slíkar þurfti til að skera úr um leikinn en NÚ stóðu uppi sem sigurveragar, 25–21.

Ármann - Viðstöðu

Það voru bræðurnir Hyper og Ofvirkur sem mættu til leiks fyrir Ármann í Mirage þar sem liðið tók á móti Viðstöðu. Strategísk flöss frá Ofvirkum bitu vel á stefnulausum leikmönnum Viðstöðu í fyrri hálfleik, en Blazter og félagar sneru vörn í sókn og tókst að jafna 15–15. Enn og aftur var því þörf á framlengingu þar sem Hundzi innsiglaði sigurinn, 19–16 fyrir Ármanni.

Dusty - Breiðablik

Umferðinni lauk með stórsigri meistaranna í Dusty á nýliðum Breiðabliks. StebbiC0C0 er mættur aftur til Dusty en Thor sá um vappann í þetta skiptið. Bóndi var þó fremstur í flokki Dusty manna sem sýndu óvenjulegan aga gegn lakara liði og gaf ekkert færi á sér allan leikinn. Niðurstaðan því 16–6 fyrir Dusty.

Staðan

Næstu leikir

2. umferðin í Ljósleiðaradeildinni fer fram dagana 20. og 22. september.

Dagskrá 2. umferðar er svona:

• Viðstöðu – Dusty, þriðjudaginn 20/9, kl 19:30
• SAGA – Þór, þriðjudaginn 20/9, kl. 20:30
• LAVA – NÚ, fimmtudaginn 22/9, kl. 19:30
• Ármann – Breiðablik, fimmtudaginn 22/9, kl 20:30
• TEN5ION –Fylkir, fimmtudaginn 22/9 kl. 21:30

Sýnt verður frá leikjunum á Stöð 2 Esport og á Twitch síðu Rafíþróttasamtaka Íslands.