Ný stjórn kvennanefndar SVFR

Kvennanefnd SVFR hefur verið að gera góða hluti undanfarin ár og með öflugu fræðslustarfi og skipulögðum hópferðum kvenna innan SVFR hefur konum sífellt verið að fjölga í félaginu. Nú eru breytingar á stjórn nefndarinnar og eru þær á þann veg að Lilja Bjarnadóttir og María Hrönn Magnúsdóttir hætta í stjórn og vill SVFR og félagsmenn þakka þeim fyrir vel unnin störf. Í þeirra stað koma Þóra Sigrún Hjaltadóttir og Rún Knútsdóttir. Sæunn Björk Þorkelsdóttir tekur við sem formaður.

SVFR hvetur áhugasama til að fylgja kvennanefndinni á bæði Facebook og Instagram, til að missa ekki af fjörinu, en framundan er skemmtilegur og spennandi vetur á tíunda starfsári nefndarinnar.

– Kvennanefnd SVFR á Facebook

Meðfylgjandi mynd var tekin af nýju stjórninni við Langárbyrgi, talið frá vinstri: Helga Gísladóttir, Sæunn Björk Þorkelsdóttir, Rún Knútsdóttir og Þóra Sigrún Hjaltadóttir.