Fólk duglegt að kaupa í matinn og kippa með vínflösku hjá Heimkaupum Hallgerður Kolbrún E. Jónsdóttir skrifar 26. júlí 2022 13:44 Pálmi Jónsson, forstjóri Heimkaupa, er ánægur að verslunin skuli stíga það skref að hefja netverslun áfengis. Vísir/Ívar Vefverslunin Heimkaup hóf um síðustu mánaðamót áfengissölu. Forstjóri Heimkaupa segir söluna hafa farið prýðilega vel af stað og fólk sé hóflegt í kaupunum. Það sé helst með matarkaupum sem vínflaska eða kippa af bjór sé látin fylgja með í körfuna. Líkt og landsmönnum er kunnugt er ÁTVR eina innlenda fyrirtækið sem má selja áfengi beint til neytenda. Það er því danska fyrirtækið Heimkaup ApS sem selur áfengið en Heimkaup (Wedo ehf.) sem dreifir vörunni. Pálmi Jónsson forstjóri Heimkaupa segir það til skoðunar að færa söluna út á dankan markað sömuleiðis. Hann segir fólk heldur stunda kaupin af kappi en sjaldgæft sé að áfengið sé það eina sem lendi í körfunni hjá fólki. „Þetta er hófsamt og maður tekur eftir því þegar nær dregur helgi þá sér maður aukningu. Það er fylgni milli sölu áfengis og sölu á mat. Þegar fólk er að kaupa sér steik fyrir helgina er greinilega verið að versla rauðvín með. Eða þegar er fótboltaleikur framundan er fólk að kaupa bjór og eitthvað snarl í partýið,“ segir Pálmi í samtali við fréttastofu. Fólk kaupi tjöld, mat og vín fyrir útileguna Verslunarmannahelgin er framundan og segir Pálmi greinilegt að viðskiptavinir vilji slá tvær flugur í einu höggi. „Fólk er líka að versla í útileguna. Við erum með kæliboxin og tjöldin og ýmislegt í útileguna þannig að fólk er að nýta það að geta verslað allt á sama stað. Ekki að fara á einn stað að kaupa svefnpoka, annan til að kaupa mat og enn annan til að kaupa vín,“ segir Pálmi. „Fólk er ekki að kaupa áfengi eingöngu heldur fær það ásamt mat. Hrein sala af áfengi sjálfu er svipuð en áfengi auk matar, í því er aukning.“ Markmiðið ekki endilega að vera ódýrari en ÁTVR Verðlagningin á víninu er svipuð og í ÁTVR og samkvæmt bráðabirgðaútreikningum blaðamanns er eitthvað ódýrara. Til dæmis kostar 24 stykkja kassi af Stella Artois bjór í 330 ml glerflöskum 8.299 krónur hjá heimkaupum en 9.336 krónur í ríkinu. Annað kostar þó meira, til dæmis rúta af Víking Lite 500 ml dósum. Rúta af því kostar 3.790 krónur hjá Heimkaupum en 3.050 krónur í ríkinu. „Við erum auðvitað að selja vöru plús þjónustu. Þannig að í grunninn erum við að sjá um dreifingu á áfengi þannig að ég sé ekki það að við náum að verða mikið ódýrari en ríkið. Við náum því einhvers staðar að sjálfsögðu. Það sem er fyrst og fremst er að við náum fram hagræðingu að ná að dreifa matnum líka. Þar felst sparnaðurinn fyrir okkur og fyrir viðskiptavini,“ segir Pálmi. Ekki nóg að vera á Facetime úr vinnunni Hann segir viðskiptavini Heimkaupa hafa tekið vel í áfengissöluna. Til að byrja með hafi komið ábendingar um hvað betur mætti fara sem hafi verið lagað. Heimkaup bjóði til dæmis upp á matseðla og við þá hafi áfengislausu víni verið bætt og áfengislausum kokteilum, fyrir þá sem ekki neyti áfengis. Þá er eftirlitið með vínsölunni metnaðarfull. Að sögn Pálma kemur ekki til greina að fólki undir lögaldri sé óvart afhent áfengi. „Þú þarft að skrá þig inn með rafrænum skilríkjum og við afhendum ekki áfengið nema viðkomandi geti sýnt fram á að hann sé orðinn tvítugur. Þú getur til dæmis ekki látið barnið þitt taka á móti, þá tökum við allt til baka. Í rauninni getur sendillinn ekki klárað pöntunina fyrr en hann er búinn að sjá skilríki,“ segir Pálmi. „Þannig að það þýðir ekkert að vera á Facetime í vinnunni, sýna skilríkið og láta barnið taka við eða kalla fram úr sturtunni. Þú verður að koma fram sjálfur eða sjálf. Það þarf ekki endilega að vera sami aðili, sem tekur við, og gerði pöntunina. Bara þannig að sá sem tekur á móti pöntuninni þarf að vera tvítugur eða yfir. Við erum í rauninni eini aðilinn sem er með svona strúktúrerað eftirlit með þessu.“ Áfengi og tóbak Verslun Netverslun með áfengi Mest lesið Tálbeitan ákærð fyrir rangt brot Innlent Létu sér andlát Hjörleifs í léttu rúmi liggja Innlent Telja sig hafa fundið skipið sem skaut drónunum Erlent Vissu af auknum töfum en óraði ekki fyrir viðbrögðunum Innlent Lykillinn að kraftaverki að Birgir var frá Íslandi Erlent Hafði hvorki þekkingu né umboð til að tjá sig um fjármálin Innlent Samtök „gamalla karla“ sem sumum finnst „kúl“ Innlent Magga Stína á leið til Gasa með Frelsisflotanum Innlent Ekki sama manneskjan eftir hörmungarnar á Gasa Innlent Átján tegundir af sólarvörn teknar úr sölu í Ástralíu Erlent Fleiri fréttir Atvinnuþátttaka innflytjenda meiri en Íslendinga en fjárhagsstaða verri Hafði hvorki þekkingu né umboð til að tjá sig um fjármálin Framsóknarflokkurinn mælist aftur inni Áttatíu starfsmenn í biðstöðu og HM-hópur Íslands Viðreisn býður fram undir eigin merkjum í Árborg Ekið á hjólreiðamann og hann fluttur á bráðamóttöku Val á þingflokksformanni bíður betri tíma Tvö vilja byggja Fossvogsbrú en bæði yfir áætluðum kostnaði Tálbeitan ákærð fyrir rangt brot Ekki sama manneskjan eftir hörmungarnar á Gasa Skorar á ríkisstjórnina að fjármagna íslenskunám Eggert Benedikt settur forstjóri Hafró Samtök „gamalla karla“ sem sumum finnst „kúl“ Rafmagnslaust á Dalvík, Hrísey og nágrenni Hætt við sameiningu HA og Háskólans á Bifröst Bjóða Grindvíkingum á seiglunámskeið Fimmtungur getur ekki keypt afmælisgjafir fyrir börnin sín Reyna að bjarga starfseminni á Möltu og slæmar fregnir af makrílveiðinni Bein útsending: Loftslagsdagurinn Bein útsending: Staða launafólks á Íslandi Létu sér andlát Hjörleifs í léttu rúmi liggja Konur og háskólamenntaðir líklegri til að vilja frekari aðgerðir gegn Ísrael Bein útsending: Heilbrigðistæknilausnir og -þjónusta Biskup Íslands heimsækir Úkraínu Vissu af auknum töfum en óraði ekki fyrir viðbrögðunum Magga Stína á leið til Gasa með Frelsisflotanum Útköll vegna slagsmála Þurftu að finna lausn á uppskáldaðri hryðjuverkaárás á Íslandi Fossvogsbrúin sé álíka gáfuleg og að setja göngustíg í Reynisfjöru Ísland land númer 197 Sjá meira
Líkt og landsmönnum er kunnugt er ÁTVR eina innlenda fyrirtækið sem má selja áfengi beint til neytenda. Það er því danska fyrirtækið Heimkaup ApS sem selur áfengið en Heimkaup (Wedo ehf.) sem dreifir vörunni. Pálmi Jónsson forstjóri Heimkaupa segir það til skoðunar að færa söluna út á dankan markað sömuleiðis. Hann segir fólk heldur stunda kaupin af kappi en sjaldgæft sé að áfengið sé það eina sem lendi í körfunni hjá fólki. „Þetta er hófsamt og maður tekur eftir því þegar nær dregur helgi þá sér maður aukningu. Það er fylgni milli sölu áfengis og sölu á mat. Þegar fólk er að kaupa sér steik fyrir helgina er greinilega verið að versla rauðvín með. Eða þegar er fótboltaleikur framundan er fólk að kaupa bjór og eitthvað snarl í partýið,“ segir Pálmi í samtali við fréttastofu. Fólk kaupi tjöld, mat og vín fyrir útileguna Verslunarmannahelgin er framundan og segir Pálmi greinilegt að viðskiptavinir vilji slá tvær flugur í einu höggi. „Fólk er líka að versla í útileguna. Við erum með kæliboxin og tjöldin og ýmislegt í útileguna þannig að fólk er að nýta það að geta verslað allt á sama stað. Ekki að fara á einn stað að kaupa svefnpoka, annan til að kaupa mat og enn annan til að kaupa vín,“ segir Pálmi. „Fólk er ekki að kaupa áfengi eingöngu heldur fær það ásamt mat. Hrein sala af áfengi sjálfu er svipuð en áfengi auk matar, í því er aukning.“ Markmiðið ekki endilega að vera ódýrari en ÁTVR Verðlagningin á víninu er svipuð og í ÁTVR og samkvæmt bráðabirgðaútreikningum blaðamanns er eitthvað ódýrara. Til dæmis kostar 24 stykkja kassi af Stella Artois bjór í 330 ml glerflöskum 8.299 krónur hjá heimkaupum en 9.336 krónur í ríkinu. Annað kostar þó meira, til dæmis rúta af Víking Lite 500 ml dósum. Rúta af því kostar 3.790 krónur hjá Heimkaupum en 3.050 krónur í ríkinu. „Við erum auðvitað að selja vöru plús þjónustu. Þannig að í grunninn erum við að sjá um dreifingu á áfengi þannig að ég sé ekki það að við náum að verða mikið ódýrari en ríkið. Við náum því einhvers staðar að sjálfsögðu. Það sem er fyrst og fremst er að við náum fram hagræðingu að ná að dreifa matnum líka. Þar felst sparnaðurinn fyrir okkur og fyrir viðskiptavini,“ segir Pálmi. Ekki nóg að vera á Facetime úr vinnunni Hann segir viðskiptavini Heimkaupa hafa tekið vel í áfengissöluna. Til að byrja með hafi komið ábendingar um hvað betur mætti fara sem hafi verið lagað. Heimkaup bjóði til dæmis upp á matseðla og við þá hafi áfengislausu víni verið bætt og áfengislausum kokteilum, fyrir þá sem ekki neyti áfengis. Þá er eftirlitið með vínsölunni metnaðarfull. Að sögn Pálma kemur ekki til greina að fólki undir lögaldri sé óvart afhent áfengi. „Þú þarft að skrá þig inn með rafrænum skilríkjum og við afhendum ekki áfengið nema viðkomandi geti sýnt fram á að hann sé orðinn tvítugur. Þú getur til dæmis ekki látið barnið þitt taka á móti, þá tökum við allt til baka. Í rauninni getur sendillinn ekki klárað pöntunina fyrr en hann er búinn að sjá skilríki,“ segir Pálmi. „Þannig að það þýðir ekkert að vera á Facetime í vinnunni, sýna skilríkið og láta barnið taka við eða kalla fram úr sturtunni. Þú verður að koma fram sjálfur eða sjálf. Það þarf ekki endilega að vera sami aðili, sem tekur við, og gerði pöntunina. Bara þannig að sá sem tekur á móti pöntuninni þarf að vera tvítugur eða yfir. Við erum í rauninni eini aðilinn sem er með svona strúktúrerað eftirlit með þessu.“
Áfengi og tóbak Verslun Netverslun með áfengi Mest lesið Tálbeitan ákærð fyrir rangt brot Innlent Létu sér andlát Hjörleifs í léttu rúmi liggja Innlent Telja sig hafa fundið skipið sem skaut drónunum Erlent Vissu af auknum töfum en óraði ekki fyrir viðbrögðunum Innlent Lykillinn að kraftaverki að Birgir var frá Íslandi Erlent Hafði hvorki þekkingu né umboð til að tjá sig um fjármálin Innlent Samtök „gamalla karla“ sem sumum finnst „kúl“ Innlent Magga Stína á leið til Gasa með Frelsisflotanum Innlent Ekki sama manneskjan eftir hörmungarnar á Gasa Innlent Átján tegundir af sólarvörn teknar úr sölu í Ástralíu Erlent Fleiri fréttir Atvinnuþátttaka innflytjenda meiri en Íslendinga en fjárhagsstaða verri Hafði hvorki þekkingu né umboð til að tjá sig um fjármálin Framsóknarflokkurinn mælist aftur inni Áttatíu starfsmenn í biðstöðu og HM-hópur Íslands Viðreisn býður fram undir eigin merkjum í Árborg Ekið á hjólreiðamann og hann fluttur á bráðamóttöku Val á þingflokksformanni bíður betri tíma Tvö vilja byggja Fossvogsbrú en bæði yfir áætluðum kostnaði Tálbeitan ákærð fyrir rangt brot Ekki sama manneskjan eftir hörmungarnar á Gasa Skorar á ríkisstjórnina að fjármagna íslenskunám Eggert Benedikt settur forstjóri Hafró Samtök „gamalla karla“ sem sumum finnst „kúl“ Rafmagnslaust á Dalvík, Hrísey og nágrenni Hætt við sameiningu HA og Háskólans á Bifröst Bjóða Grindvíkingum á seiglunámskeið Fimmtungur getur ekki keypt afmælisgjafir fyrir börnin sín Reyna að bjarga starfseminni á Möltu og slæmar fregnir af makrílveiðinni Bein útsending: Loftslagsdagurinn Bein útsending: Staða launafólks á Íslandi Létu sér andlát Hjörleifs í léttu rúmi liggja Konur og háskólamenntaðir líklegri til að vilja frekari aðgerðir gegn Ísrael Bein útsending: Heilbrigðistæknilausnir og -þjónusta Biskup Íslands heimsækir Úkraínu Vissu af auknum töfum en óraði ekki fyrir viðbrögðunum Magga Stína á leið til Gasa með Frelsisflotanum Útköll vegna slagsmála Þurftu að finna lausn á uppskáldaðri hryðjuverkaárás á Íslandi Fossvogsbrúin sé álíka gáfuleg og að setja göngustíg í Reynisfjöru Ísland land númer 197 Sjá meira