FC København hafði betur gegn AaB með þremur mörkum gegn einu í annarri umferð deildarinnar í dag en það var Viktor Claesson sem skoraði fyrstu tvö mörk Kaupmannahafnarliðsins í leiknum.
Hákon Arnar spilaði 72 mínútur inni á miðsvæðinu en sveitungi hans af Skaganum, Ísak Bergmenn Jóhennesson, kom inn á hægri vænginn í hálfleik.
Ísak Bergmann innsiglaði sigur FC København í uppbótartíma leiksins en Claesson kórónaði góðan leik sinn með því að leggja upp mark íslenska landsliðsmannsins.
Orri Steinn Óskarsson var svo á varamannabekk FC København en þetta er í fyrsta skipti sem hann er í leikmannahóp hjá aðalliði félagsins í deildarleik.
