Körfubolti

Grindavík fær Svía

Sindri Sverrisson skrifar
Amanda Okodugha mætir til Grindavíkur í ágúst og verður með liðinu í Subway-deildinni á næstu leiktíð.
Amanda Okodugha mætir til Grindavíkur í ágúst og verður með liðinu í Subway-deildinni á næstu leiktíð. umfg.is

Körfuknattleiksdeild Grindavíkur hefur samið við sænsku körfuboltakonuna Amöndu Okodugha um að spila með liðinu í Subway-deildinni á næstu leiktíð.

Okodugha er 27 ára gömul og 188 sentímetrar á hæð. Hún er miðherji og kemur til Grindavíkur frá Visby sem hún lék með í sænsku úrvalsdeildinni á síðustu leiktíð. Áður lék hún með Lincoln University í háskólakörfuboltanum.

„Ég er mjög ánægður með að fá Amöndu til liðs við okkur. Hún er hávaxin og mun koma til með að styrkja okkar lið undir körfunni. Ég hreifst af þeirri baráttu sem hún sýnir í leikjum og hlakka til að fá hana til liðs við okkur í Grindavík,“ segir Þorleifur Ólafsson, þjálfari Grindavíkur, á heimasíðu félagsins.

Subway-deild kvenna UMF Grindavík

Mest lesið


Fleiri fréttir

Sjá meira


×

Mest lesið