Tekur við stöðu for­stöðu­manns Sí­menntunar HA

Í tilkynningu frá skólanum segir að Stefán sé með BA í fjölmiðlafræði frá Háskólanum á Akureyri auk diplómu í kennslufræði til kennsluréttinda frá sama háskóla. 

„Að auki hefur Stefán diplómu í opinberri stjórnsýslu frá Háskóla Íslands auk meistaragráðu í stjórnun frá Háskólanum í Lundi. Árið 2017 var Stefán ráðinn til Símenntunar Háskólans á Akureyri til þess að stýra Stjórnendanámi Stjórnendafræðslunnar sem kom til háskólans sama ár. Frá 2017 hefur Stefán sinnt hinum ýmsu störfum fyrir Símenntun og háskólann samhliða því að stýra Stjórnendanáminu og nýverið MBA námi Símenntunar,“ segir í tilkynningunni.

Stefán tekur við af Elínu Margréti Hallgrímsdóttur sem hefur verið forstöðumaður Símenntunnar frá 2001 en starfsemin hófst 1999. Stefán tekur við starfinu 1. júní.