Gríðar­leg stemning og eftir­vænting hjá Pírötum

Píratar eru með kosningavöku á skemmtistaðnum Miami á Hverfisgötu, þakið ætlaði af Framsóknarhúsinu, þar sem Miami er til húsa, þegar Dóra Björt Guðjónsdóttir, oddviti Pírata, ávarpaði viðstadda.

Hún kom þakklæti sínu til fólksins til skila en hún segir frábært að tilheyra Pírötum.

„Þetta er búinn að vera einstakur tími í mínu lífi, ég eignaðist barn fyrir rúmum tveimur vikum síðan. Þá fann ég fyrir því hvað það skiptir miklu máli að hafa svona samheldinn og kröftugan hóp,“ segir hún.

Í samtali við fréttastofu eftir ávarpið sagði hún að biðin eftir fyrstu tölum í Reykjavík væri farin að taka á taugarnar. „Það er svo spennandi að sjá hvort að þetta verði í takt við meðbyrinn sem við erum búin að finna fyrir,“ segir Dóra.

Viðtal við Dóru Björt má sjá í heild sinni í spilaranum hér að neðan: