Í viðtali við Júrógarðinn deildi hún því með okkur að hún sækir innblástur í gegnum lífið sjálft og hefur á undanförnum árum passað sig að leggja mikla áherslu á andlega heilsu.
„Ég þarf að gera allt sem ég get til að komast í rétta hugarfarið þar sem ég er hvað mest skapandi og ég upplifi algjört jafnvægi, sem er eiginlega aldrei en ég er samt alltaf að komast nær því, sagði Cornelia okkur létt í lund.“
Cornelia þykir sigurstrangleg á lokakvöldinu næstkomandi laugardag og lagið hennar Hold Me Closer hefur náð miklum vinsældum. Viðtal Júrógarðsins við Corneliu má sjá hér fyrir neðan.
Sylvía Rut Sigfúsdóttir og Dóra Júlía Agnarsdóttir eru fulltrúar fréttastofunnar á Eurovision í Tórínó á Ítalíu. Munu þær birta fréttir, viðtöl, hlaðvörp og auðvitað líka reglulega þætti af Júrógarðinum.
Alla umfjöllun okkar um Eurovision keppnina má finna HÉR á Lífinu á Vísi.
