Fín veiði í Minnivallalæk

Þetta er ein af skemmtilegri ám á suðurlandi þar sem hún er bæði fjölbreytt og krefjandi en það sem laðar veiðimenn að ánni er von um að setja í stóra urriða en þeir geta orðið ansi vænir þarna. Hópur veiðimanna sem þekkir lækinn vel var við veiðar um helgina og lönduðu þeir alls 14 urriðum sem stærstir um 70 cm langir en einnig nokkrir 60 sm. Fiskurinn var að taka mest Blóðorm og Peacock en það sem getur oft gert gæfumunin í veiði í Minnivallalæk er að þekkja lífríkið vel og þá hvað urriðinn er að taka hverju sinni. Hann getur verið ansi vandfýsinn á flugur.

Nú er verið að taka veiðihúsið í gegn og af þeim sökum er hægt að taka staka daga núna í maí og það er frábær kostur fyrir alla veiðimenn og veiðikonur sem vilja kynnast Minnivallalæk. Maí getur verið frábær tími en ef það á að gefa eitt gott ráð áður en heldið er til veiða þarna þá er það að læðast á bökkunum og láta fara lítið fyrir sér með litlar, og ég meina minnstu flugurnar sem þú átt í boxinu.