Danir, Svíar, Frakkar, Norðmenn, Þjóðverjar og Egyptar eru með íslenska liðinu í efsta styrkleikaflokki, en styrkelykaflokkarnir eru alls fjórir. Eitt lið úr hverjum flokki fer í hvern riðil, en riðlarnir verða átta talsins.
Leikir Íslands í riðlakeppninni fara fram í Kristianstad í Svíþjóð, og því ekki mjög langt fyrir íslenska aðdáendur að fara og styðja strákana okkar.
Þrjú lið úr hverjum riðli fyrir sig tryggja sér sæti í milliriðli. Milliriðlarnir verða fjórir talsins og tvö lið úr hverjum milliriðli fara svo í átta liða úrslit.
