Sautján mínútur af snilld: Óður til Karims Benzema Ingvi Þór Sæmundsson skrifar 11. mars 2022 09:31 Karim Benzema fagnar eftir frækinn 3-1 sigur Real Madrid á Paris Saint-Germain í fyrradag. getty/David S. Bustamante Þegar Karim Benzema setur skóna upp í hillu, sem ekkert bendir til að verði á næstunni, verða mínúturnar sautján gegn Paris Saint-Germain kannski stærsta varðan á ferli hans. Leikurinn í fyrrakvöld var allavega augnablikið á ferli Benzemas, það sem flestir munu muna eftir þegar árin færast yfir, það er að segja af því sem hann gerði inni á vellinum. Þetta var Maradona gegn Englandi, Van Basten gegn Sovétríkjunum, Banks ver frá Pelé augnablik ef við leyfum okkur að vera dramatísk. Öfugt við erkifjendurna í Barcelona skilgreinir Real Madrid sig ekki út frá ákveðinni og mjög svo hátíðlegri hugmyndafræði um hvernig eigi að spila fótbolta. Real Madrid vinnur bara, sama hvernig. Tilgangurinn helgar meðalið og allt það. Og Real Madrid hefur unnið Meistaradeild Evrópu oftar en nokkurt annað félag og saga þess er samofin sögu keppninnar. Madrídingar unnu hana fyrstu fimm árin eftir að henni var hleypt af stokkunum og hafa síðan bætt átta titlum við. Alls eru Evrópumeistaratitlarnir þrettán. Næsta lið, AC Milan, hefur unnið sjö. Meistaradeildin er með öðrum orðum keppni Real Madrid og þar eru Madrídingar aldrei litlir. Stoltir gamlir kallar Það blés samt ekki byrlega fyrir Real Madrid hálfleik í leiknum gegn PSG á Santiago Bernabéu í fyrrakvöld, enda 0-1 undir og 0-2 samanlagt eftir að hafa tapað fyrri leiknum í París. Madrídingar réðu ekkert við verðandi samherja sinn, Kylian Mbappé, og Evrópugamanið virtist ætla að vera stutt þetta árið. En ef það er eitthvað sem má aldrei vanmeta í íþróttum eru það stoltir gamlir kallar. Og Real Madrid er með tvo svoleiðis og þeir leiddu endurkomuna. Benzema jafnaði á 61. mínútu eftir að hafa unnið boltann (líklega ólöglega) af Gianluigi Donnarumma. Við það fengu Madrídingar blóðbragð í munninn og í Meistaradeildinni eru þeir banvæn skepna. Carlo Ancelotti, knattspyrnustjóri Real Madrid, gerði góðar breytingar, bæði með skiptingum og með því að færa leikmenn til, og heimamenn náðu frumkvæðinu á meðan gestirnir skruppu saman. Eftir magnaðan undirbúning hins 36 ára Lukas Modric kom Benzema Real Madrid yfir á 76. mínútu. PSG tók miðju, Real Madrid vann boltann, tapaði honum en Marquinhos skilaði honum á Benzema sem skoraði með snöggu skoti og kom heimamönnum yfir í einvíginu í fyrsta sinn, 3-2 samanlagt. Endurkoman var fullkomnuð. Skriðþungi sögunnar Þótt PSG sé með betri mannskap en Real Madrid var þessi niðurstaða einhverra hluta vegna rökrétt og óhjákvæmileg. Meistaradeildin er keppni Real Madrid í sögu félagsins má finna nokkrar eftirminnilegar endurkomur á þessu stærsta sviði fótboltans. Á meðan er saga PSG uppfull af neyðarlegum töpum í Meistaradeildinni þar sem liðið hefur kastað frá sér góðri forystu. Leikurinn í fyrradag var kannski ekki jafn slæmur og 6-1 tapið fyrir Barcelona 2017 eða 1-3 tapið fyrir varaliði Manchester United 2019 en slæmt var það og enn einn vandræðalegi kaflinn í sögubók PSG. Saga og hefð vinna ekki leiki ein og sér en hafa sitt að segja og skriðþungi sögunnar átti sinn þátt í að koma Real Madrid yfir línuna í fyrradag. Enduruppgötvaði sig á fertugsaldri Benzema átti fyrirsagnirnar eftir leikinn á miðvikudaginn og það skiljanlega. Hann skaut Real Madrid ekki bara áfram heldur varð hann elsti leikmaðurinn í sögu Meistaradeildarinnar (1992-) til að skora þrennu, 34 ára og áttatíu daga gamall. Og um leið tók hann fram úr sjálfum Alfredo di Stéfano á listanum yfir markahæstu leikmenn Real Madrid. Aðeins Cristiano Ronaldo og Raúl hafa skorað fleiri mörk fyrir Real Madrid en Benzema vantar aðeins fjórtán mörk til að ná þeim síðarnefnda. Benzema hefur skorað 309 mörk í búningi Real Madrid, 117 þeirra eftir að Ronaldo fór frá félaginu 2018. Eftir að hafa verið Robin í næstum því áratug sprakk Benzema út sem Batman á fertugsaldri. Benzema steig út úr skugga Cristianos Ronaldo eftir að sá síðarnefndi fór til Juventus.getty/Helios de la Rubia Og Real Madrid hefur svo sannarlega þurft á mörkunum hans að halda enda hafa aðrir sóknarmenn liðsins ekki hjálpað mikið til undanfarin ár. Vinícius Júnior er reyndar orðinn frábær en Gareth Bale og Eden Hazard eru hættir að vera fótboltamenn, Marco Asensio og Rodrygo eru óstöðugir, Luka Jovic hefur ekkert gert og svo mætti áfram telja. Með Benzema fremstan í flokki varð Real Madrid Spánarmeistari 2020 og verður líklega aftur í vor. Og þökk sé honum er vonin á fjórtánda Meistaradeildartitlinum enn til staðar. Flókin arfleið Benzema er einn af bestu leikmönnum sinnar kynslóðar; um það er erfitt að deila. Hann er ekki á efstu hæðinni með Ronaldo og Lionel Messi en er búinn að koma sér vel fyrir á hæðinni fyrir neðan. Real Madrid keypti Benzema frá Lyon sumarið 2009.getty/Alberto Sereno En þrátt fyrir öll mörkin og alla titlana er arfleið Benzemas nokkuð flókin. Fjárkúgunarmálið fræga fylgir honum alltaf eins og skugginn. Vegna þess spilaði hann ekki með franska landsliðinu í sjö ár og á þeim tíma vann Frakkland HM 2018 og lenti í 2. sæti á EM 2016. Og þegar hann sneri aftur úr útlegðinni féllu Frakkar út í sextán liða úrslitum á EM í fyrra. Benzema var reyndar góður á mótinu og átti stóran þátt í að Frakkland vann Þjóðadeildina síðasta haust. En að leikmaður á 35. aldursári sé besti leikmaður eins stærsta félags í heimi er langt frá því að vera sjálfsagður hlutur og frammistaðan gegn PSG bar þess vitni að Benzema er einn af bestu framherjum sögunnar. Meistaradeild Evrópu í fótbolta karla Spænski boltinn Mest lesið Ronaldinho og Usain Bolt reyna fyrir sér í þjálfun Sport NBA Evrópudeildin muni hefjast eftir tvö ár Körfubolti Hákon reyndist hetja Brentford Enski boltinn Skoraði nánast alveg eins mark í fyrra en Del Piero gerði betur Fótbolti Magnaður viðsnúningur hjá Aserum Fótbolti „Vissi ekki að við gætum þetta“ Fótbolti Hættir að verja mark Frakklands til að verja tíma með fjölskyldunni Sport Ótrúlegt átta marka jafntefli hjá Juventus og Dortmund Fótbolti Tottenham slapp með sigur eftir furðulegt sjálfsmark Fótbolti Ódýr vítaspyrna tryggði tíu Madrídingum endurkomusigur Fótbolti Fleiri fréttir Skoraði nánast alveg eins mark í fyrra en Del Piero gerði betur Hákon reyndist hetja Brentford Magnaður viðsnúningur hjá Aserum Ótrúlegt átta marka jafntefli hjá Juventus og Dortmund Ódýr vítaspyrna tryggði tíu Madrídingum endurkomusigur Tottenham slapp með sigur eftir furðulegt sjálfsmark „Vissi ekki að við gætum þetta“ Varamennirnir lögðu upp hvor fyrir annan Kristall skaut Sønderjyske áfram Yamal meiddur og þjálfarinn gagnrýnir landsliðið Fyrirliðinn ekki með Arsenal í Baskalandi Gæti spilað í kvöld en þarf að mæta í réttarsal í fyrramálið Fær 54 milljónir í vikulaun en æfir einn og yfirgefinn Líktu varnarleik KR við varnarleik fimmtugs old boys liðs Sjáðu hvernig ÍA lyfti sér af botninum og mörkin í Smáranum Mikil ánægja með Mikael: „Hann hefur gjörbreytt liðinu“ Bellingham batnaði hraðar en búist var við „Sérfræðingarnir sem hafa spáð okkur tólfta sætinu“ Varamaður Mikaels skoraði jöfnunarmarkið Lárus Orri: Fórum í „Fuck you mode“ Sparkað í klof liðsfélaga Kolbeins en sigurinn sóttur Uppgjörið: ÍA - Afturelding 3-1 | Sigurganga Skagamanna heldur áfram Meiðslahrjáði miðvörðurinn lætur gott heita Uppgjörið: Breiðablik - ÍBV 1-1 | Eyjamenn náðu ekki upp í efri hlutann Verður væntanlega ráðinn 89 dögum eftir að hann var rekinn City rak barþjón sem mætti í United-treyju í vinnuna „United er að keppa við hina Ferrari-bílana en með Skoda-vél“ Sigur færir Eyjamönnum sæti í efri hlutanum Leik hætt eftir að leikmaður hné niður „Ef félagið vill breyta um leikstíl verður það að breyta um mann“ Sjá meira
Leikurinn í fyrrakvöld var allavega augnablikið á ferli Benzemas, það sem flestir munu muna eftir þegar árin færast yfir, það er að segja af því sem hann gerði inni á vellinum. Þetta var Maradona gegn Englandi, Van Basten gegn Sovétríkjunum, Banks ver frá Pelé augnablik ef við leyfum okkur að vera dramatísk. Öfugt við erkifjendurna í Barcelona skilgreinir Real Madrid sig ekki út frá ákveðinni og mjög svo hátíðlegri hugmyndafræði um hvernig eigi að spila fótbolta. Real Madrid vinnur bara, sama hvernig. Tilgangurinn helgar meðalið og allt það. Og Real Madrid hefur unnið Meistaradeild Evrópu oftar en nokkurt annað félag og saga þess er samofin sögu keppninnar. Madrídingar unnu hana fyrstu fimm árin eftir að henni var hleypt af stokkunum og hafa síðan bætt átta titlum við. Alls eru Evrópumeistaratitlarnir þrettán. Næsta lið, AC Milan, hefur unnið sjö. Meistaradeildin er með öðrum orðum keppni Real Madrid og þar eru Madrídingar aldrei litlir. Stoltir gamlir kallar Það blés samt ekki byrlega fyrir Real Madrid hálfleik í leiknum gegn PSG á Santiago Bernabéu í fyrrakvöld, enda 0-1 undir og 0-2 samanlagt eftir að hafa tapað fyrri leiknum í París. Madrídingar réðu ekkert við verðandi samherja sinn, Kylian Mbappé, og Evrópugamanið virtist ætla að vera stutt þetta árið. En ef það er eitthvað sem má aldrei vanmeta í íþróttum eru það stoltir gamlir kallar. Og Real Madrid er með tvo svoleiðis og þeir leiddu endurkomuna. Benzema jafnaði á 61. mínútu eftir að hafa unnið boltann (líklega ólöglega) af Gianluigi Donnarumma. Við það fengu Madrídingar blóðbragð í munninn og í Meistaradeildinni eru þeir banvæn skepna. Carlo Ancelotti, knattspyrnustjóri Real Madrid, gerði góðar breytingar, bæði með skiptingum og með því að færa leikmenn til, og heimamenn náðu frumkvæðinu á meðan gestirnir skruppu saman. Eftir magnaðan undirbúning hins 36 ára Lukas Modric kom Benzema Real Madrid yfir á 76. mínútu. PSG tók miðju, Real Madrid vann boltann, tapaði honum en Marquinhos skilaði honum á Benzema sem skoraði með snöggu skoti og kom heimamönnum yfir í einvíginu í fyrsta sinn, 3-2 samanlagt. Endurkoman var fullkomnuð. Skriðþungi sögunnar Þótt PSG sé með betri mannskap en Real Madrid var þessi niðurstaða einhverra hluta vegna rökrétt og óhjákvæmileg. Meistaradeildin er keppni Real Madrid í sögu félagsins má finna nokkrar eftirminnilegar endurkomur á þessu stærsta sviði fótboltans. Á meðan er saga PSG uppfull af neyðarlegum töpum í Meistaradeildinni þar sem liðið hefur kastað frá sér góðri forystu. Leikurinn í fyrradag var kannski ekki jafn slæmur og 6-1 tapið fyrir Barcelona 2017 eða 1-3 tapið fyrir varaliði Manchester United 2019 en slæmt var það og enn einn vandræðalegi kaflinn í sögubók PSG. Saga og hefð vinna ekki leiki ein og sér en hafa sitt að segja og skriðþungi sögunnar átti sinn þátt í að koma Real Madrid yfir línuna í fyrradag. Enduruppgötvaði sig á fertugsaldri Benzema átti fyrirsagnirnar eftir leikinn á miðvikudaginn og það skiljanlega. Hann skaut Real Madrid ekki bara áfram heldur varð hann elsti leikmaðurinn í sögu Meistaradeildarinnar (1992-) til að skora þrennu, 34 ára og áttatíu daga gamall. Og um leið tók hann fram úr sjálfum Alfredo di Stéfano á listanum yfir markahæstu leikmenn Real Madrid. Aðeins Cristiano Ronaldo og Raúl hafa skorað fleiri mörk fyrir Real Madrid en Benzema vantar aðeins fjórtán mörk til að ná þeim síðarnefnda. Benzema hefur skorað 309 mörk í búningi Real Madrid, 117 þeirra eftir að Ronaldo fór frá félaginu 2018. Eftir að hafa verið Robin í næstum því áratug sprakk Benzema út sem Batman á fertugsaldri. Benzema steig út úr skugga Cristianos Ronaldo eftir að sá síðarnefndi fór til Juventus.getty/Helios de la Rubia Og Real Madrid hefur svo sannarlega þurft á mörkunum hans að halda enda hafa aðrir sóknarmenn liðsins ekki hjálpað mikið til undanfarin ár. Vinícius Júnior er reyndar orðinn frábær en Gareth Bale og Eden Hazard eru hættir að vera fótboltamenn, Marco Asensio og Rodrygo eru óstöðugir, Luka Jovic hefur ekkert gert og svo mætti áfram telja. Með Benzema fremstan í flokki varð Real Madrid Spánarmeistari 2020 og verður líklega aftur í vor. Og þökk sé honum er vonin á fjórtánda Meistaradeildartitlinum enn til staðar. Flókin arfleið Benzema er einn af bestu leikmönnum sinnar kynslóðar; um það er erfitt að deila. Hann er ekki á efstu hæðinni með Ronaldo og Lionel Messi en er búinn að koma sér vel fyrir á hæðinni fyrir neðan. Real Madrid keypti Benzema frá Lyon sumarið 2009.getty/Alberto Sereno En þrátt fyrir öll mörkin og alla titlana er arfleið Benzemas nokkuð flókin. Fjárkúgunarmálið fræga fylgir honum alltaf eins og skugginn. Vegna þess spilaði hann ekki með franska landsliðinu í sjö ár og á þeim tíma vann Frakkland HM 2018 og lenti í 2. sæti á EM 2016. Og þegar hann sneri aftur úr útlegðinni féllu Frakkar út í sextán liða úrslitum á EM í fyrra. Benzema var reyndar góður á mótinu og átti stóran þátt í að Frakkland vann Þjóðadeildina síðasta haust. En að leikmaður á 35. aldursári sé besti leikmaður eins stærsta félags í heimi er langt frá því að vera sjálfsagður hlutur og frammistaðan gegn PSG bar þess vitni að Benzema er einn af bestu framherjum sögunnar.
Meistaradeild Evrópu í fótbolta karla Spænski boltinn Mest lesið Ronaldinho og Usain Bolt reyna fyrir sér í þjálfun Sport NBA Evrópudeildin muni hefjast eftir tvö ár Körfubolti Hákon reyndist hetja Brentford Enski boltinn Skoraði nánast alveg eins mark í fyrra en Del Piero gerði betur Fótbolti Magnaður viðsnúningur hjá Aserum Fótbolti „Vissi ekki að við gætum þetta“ Fótbolti Hættir að verja mark Frakklands til að verja tíma með fjölskyldunni Sport Ótrúlegt átta marka jafntefli hjá Juventus og Dortmund Fótbolti Tottenham slapp með sigur eftir furðulegt sjálfsmark Fótbolti Ódýr vítaspyrna tryggði tíu Madrídingum endurkomusigur Fótbolti Fleiri fréttir Skoraði nánast alveg eins mark í fyrra en Del Piero gerði betur Hákon reyndist hetja Brentford Magnaður viðsnúningur hjá Aserum Ótrúlegt átta marka jafntefli hjá Juventus og Dortmund Ódýr vítaspyrna tryggði tíu Madrídingum endurkomusigur Tottenham slapp með sigur eftir furðulegt sjálfsmark „Vissi ekki að við gætum þetta“ Varamennirnir lögðu upp hvor fyrir annan Kristall skaut Sønderjyske áfram Yamal meiddur og þjálfarinn gagnrýnir landsliðið Fyrirliðinn ekki með Arsenal í Baskalandi Gæti spilað í kvöld en þarf að mæta í réttarsal í fyrramálið Fær 54 milljónir í vikulaun en æfir einn og yfirgefinn Líktu varnarleik KR við varnarleik fimmtugs old boys liðs Sjáðu hvernig ÍA lyfti sér af botninum og mörkin í Smáranum Mikil ánægja með Mikael: „Hann hefur gjörbreytt liðinu“ Bellingham batnaði hraðar en búist var við „Sérfræðingarnir sem hafa spáð okkur tólfta sætinu“ Varamaður Mikaels skoraði jöfnunarmarkið Lárus Orri: Fórum í „Fuck you mode“ Sparkað í klof liðsfélaga Kolbeins en sigurinn sóttur Uppgjörið: ÍA - Afturelding 3-1 | Sigurganga Skagamanna heldur áfram Meiðslahrjáði miðvörðurinn lætur gott heita Uppgjörið: Breiðablik - ÍBV 1-1 | Eyjamenn náðu ekki upp í efri hlutann Verður væntanlega ráðinn 89 dögum eftir að hann var rekinn City rak barþjón sem mætti í United-treyju í vinnuna „United er að keppa við hina Ferrari-bílana en með Skoda-vél“ Sigur færir Eyjamönnum sæti í efri hlutanum Leik hætt eftir að leikmaður hné niður „Ef félagið vill breyta um leikstíl verður það að breyta um mann“ Sjá meira