Agla María og Diljá báðar á skotskónum í bikarnum: Sjáðu mörkin þeirra

Häcken vann þá 5-0 útisigur á Jitex BK en fyrsta og síðasta markið var íslenskt.

Agla María Albertsdóttir var í byrjunarliðinu og kom Häcken í 1-0 á fjórtándu mínútu með laglegu skoti.

Agla María spilaði fyrsta klukkutímann í leiknum en Diljá Ýr Zomers kom inn á í hálfleik.

Diljá Ýr skoraði fimmta og síðasta markið með harðfylgni af stuttu færi eftir hornspyrnu en markið kom í uppbótatíma leiksins.

Hin mörk Häcken í leiknum skoruðu þær Stine Larsen (tvö mörk) og Luna Nörgaard Gevitz en þrjú síðustu mörkin í leiknum komu öll eftir hornspyrnur.

Hér fyrir neðan má sjá svipmyndir frá leiknum og þar má sjá öll fimm mörkin.

Mark Öglu Maríu kemur eftir að fjórtán sekúndur eru liðnar af myndbandinu en markið hjá Dilja þegar rétt rúmar tvær mínútur eru liðnar.