Svona nærð þú að gera fullkominn eyeliner

Marga dreymir um að kunna að gera hinn fullkomna eyeliner. Það eru ýmis „trix“ sem hægt er að nota. Heiður Ósk útskýrði í þættinum hvernig hægt er að nota hyljara og fleira. 

Þættirnir Snyrtiborðið eru sýndir á miðvikudögum á Lífinu á Vísi.

Í nýjasta þættinum af Snyrtiborðinu kíkja þær Heiður Ósk og Ingunn Sig í heimsókn til Dóru Júlíu.  Plötusnúðurinn er þekkt fyrir ótrúlega flottan stíl á götum borgarinnar, þegar hún er að spila fyrir fullan sal af fólki og í þáttum eins Þetta reddast á Stöð 2 og Kúnst hér á Vísi.

Í þættinum er Dóra Júlía að gera sig til fyrir verkefni. Hún talar um húðumhirðuna sína, litríka heimilið, D-vítamín, uppáhalds förðunarvörurnar og margt fleira. Síðustu misseri hefur Dóra Júlía hugsað vel um húðina en það var ekki alltaf í forgangi.