Bein útsending: Kvöldfréttir Stöðvar 2

Við ræðum við Friðrik Jónsson sérfræðing í öryggis- og varnarmálum í beinni útsendingu um þá ákvörðun Pútíns að setja kjarnorkusveitir Rússa í viðbragðsstöðu, hvaða þýðingu það hafi og hvort tilefni sé til að hafa áhyggjur.

Þá sýnum við frá mótmælum fyrir utan rússneska sendiherrabústaðinn við Túngötu og ræðum við mótmælendur, sem komu þar saman í hundruðatali. 

Við ræðum einnig við þolanda kynferðisofbeldis sem fór fram á að þinghald yrði opið í máli hennar. Hún segir mikilvægt að útskýrt sé fyrir kærendum hvað felist í lokuðu þinghaldi en hefð um slíkt valdi því að heill málaflokkur sé nánast þaggaður niður. 

Þá heimsækjum við bestu saunu Reykjavíkurborgar, að mati finnska sendiráðsins, og hittum næstum níræðan bónda á Suðurlandi sem hefur safnað tuttugu milljónum króna með dósatínslu.