Þrífur hárið bara einu sinni í viku

Sylvía Rut Sigfúsdóttir skrifar 23. febrúar 2022 10:15

Linda Ben bauð HI beauty í heimsókn í nýjasta þættinum af Snyrtiborðinu. Undireins/Birgitta Stefánsdóttir

„Ég set yfirleitt á mig litað dagkrem áður en ég fer í ræktina og maskara og pínulítið á augabrúnirnar,“ segir áhrifavaldurinn og matgæðingurinn Linda Ben, höfundur uppskriftarbókarinnar Kökur.

Hún farðar sig fyrir æfingarnar í ræktinni og setur líka á sig farða þó að hún sé ekki á leið út. Linda segir að það sé gott að gera sig til fyrir daginn, þó að hún sé að starfa heiman frá sér.

„Ég geri það yfirleitt alltaf, svo ég sé ekki bara ein heima, mygluð,“ útskýrir Linda.

„Það er bara allt annar fílingur, þó að maður sé einn heima.“

Linda Ben er gestur í nýjasta þættinum af Snyrtiborðinu. Ingunn Sig og Heiður Sig heimsóttu Lindu í Mosfellsbæinn og fengu að heyra allt um hennar förðun, húðrútínu og svo töluðu þær auðvitað um bakstur líka.

Hægt er að horfa á þáttinn í heild sinni í spilaranum hér fyrir neðan. Förðunarráð þáttarins er auðvitað á sínum stað.

Klippa: Snyrtiborðið - Linda Ben

Snyrtiborðið með HI beauty kemur út á Lífinu á Vísi alla miðvikudaga og er hægt að horfa á eldri þætti HÉR.

HI beauty Förðun Tíska og hönnun