Conte: Þú þarft fullkominn leik til þess að vinna City

„Til þess að sigra Manchester City þarft þú að eiga fullkomin leik. Fyrsta markið okkar var frábært. Við vorum búnir að undirbúa að akkúrat þessi staða myndi koma upp. Svona sigur hlýtur að bæta í okkar sjálfstraust en það eru margir leikir framundan og við verðum að berjast fyrir því að enda sem efst í deildinni“, sagði Conte á blaðamannafundi eftir leikinn.

„Það er ekki auðvelt að tapa leikjum því sjálfstraustið fer niður á við. En við treystum á vinnuna sem við leggjum inn og trúum á það sem við erum að gera. Mér finnst frábært að vinna með þessum leikmönnum. Þeir sína vilja til þess að læra og vilja til þess að gera sitt besta allt til loka tímabilsins. Von mín er að allir mínir leikmenn hafi bætt sig í lok leiktíðarinnar“, sagði ítalinn að lokum.