Handbolti

Orri Freyr og félagar enn með fullt hús stiga eftir stórsigur

Hjörtur Leó Guðjónsson skrifar
Orri Freyr og félagar eru á toppi deildarinnar.
Orri Freyr og félagar eru á toppi deildarinnar. https://www.ostlendingen.no/

Orri Freyr Þorkelsson og félagar hans í Elverum unnu níu marka stórsigur er liðið heimsótti Notteroy í norsku úrvalsdeildinni í handbolta í kvöld. Lokatölur urðu 33-24, en Elverum hefur unnið alla 18 leiki sína á tímabilinu.

Gestirnir í Elverum settu tóninn strax í upphafi leiks og voru með yfirhöndina strax frá fyrstu mínútu. Þeir fóru með sjö marka forskot inn í hálfleikinn, en staðan var 20-13.

Gestirnir hægðu aðeins á sér í síðari hálfleik og juku forskot sitt aðeins lítillega. Lokatölur urðu sem fyrr segir 33-24 og er liðið nú með átta stiga forskot á toppi deildarinnar eftir 18 leiki. Drammen situr í öðru sæti og á einn leik til góða.

Norski handboltinn

Mest lesið


Fleiri fréttir

Sjá meira


×

Mest lesið